AU PAPE (V

Montils-lès-Tours, automne 1482.

Envoi du jacobin Pierre Frezet, docteur en théologie et inquisiteur de la foi du diocèse de Troyes, chargé de demander une enquête préparatoire pour la canonisation de Jean de Gand. — (Copie. Bibl. nat., Ms. Baluze, p. 144, fol. 76. Publ. dans les Vies des saints de Franche-Comté, cit., t. III, fol. 413.)

Très Sainct Père, il nous est venu en mémoire que durant la vie de feu nostre très cher seigneur et père, (que Dieu absolve), au commencement de son règne et que les guerres et divisions eurent cours en nostre royaulme, un hermitte, qui se tenoit à Monseigneur Sainct Claude, et qui estoit renommé estre de très bonne et saincte vie, vint plusieurs fois par devers nostredict feu seigneur et père, et luy notifia qu'il

auroil lignée masie, et le premier succederoit après luy à la couronne de France, qui a esté nous. Et aussy luy demanda à diverses fois s'il vouloit avoir paix, lequel nostredict feu père respondit, que s'il plaisoit à Dieu il le vouldroit bien ; et ledict hermitte luy dict et asseura que, puisqu'il desiroit paix, qu'il l'auroit. Et aussy se transporta ledict hermitte par devers le roy d'Angleterre, qui tenoit et usurpoit lors certain pays et contrées du royaulme de France, et luy dict et demanda semblablement s'il vouloit avoir paix, lequel luy respondit que non et qu'il avoit bien intention de tout conquester; à quoy ledict hermitte luy respondit qu'il n'y parviendroit point, mais que de bref il mourroit, ce qu'il fist, et furent les Anglois debouttez et chassez par nostre dit feu seigneur et père hors du royaulme de France, dont iceluy nostre père demeura paisible, ainsy que raisonnablement faire se devoit; et nous subsequemment en sommes demourez paisibles après luy. Et fist lors ledict hermitte plusieurs belles choses à l'augmentation de nostre foy; et aussy Dieu, nostre créateur, à sa requeste et intercession, de beaux miracles. Par quoy nous en est venu en dévotion et volonté de faire quérir en tous les lieux où ledict hermitte con versoit et auquel il avoit esté inhumé, et, après plusieurs inquisitions par nous faictes faire, sa sépulture a estée trouvée au couvent des Frères Prescheurs de Troyes, où l'avons, pour l'amour de Dieu et de la saincte et bonne vie qu'il menoit, faict relever et mettre plus honorablement qu'il n'estoit1. Et à ceste

1. Le passage ci-dessus nous a déterminé à mettre la présente

cause, et aussy pour la grande et bonne renommée qui a esté sceue et trouvée de luy, maintes personnes de divers estats, constituez en certaines maladies, ont eu recours à luy, et chascun jour y ont, pour la prière duquel leur a semblé que Dieu nostre créateur les a relevez et guéris de leurs maladies. Par quoy avons voué et délibéré de le faire canoniser, s'il est trouvé que ses œuvres et vie l'ayent mérité. Et pour ce, très Sainct Père, que nous avons ceste matière bien fort à cueur, nous prions Vostre Saincteté si très acertes et en charité que plus povons, que par nostre cher et bien amé maistre Pierre Frezet, religieux dudit couvent des Frères Prescheurs, docteur en théologie et inquisiteur de la foy au diocèse de Troyes, que nous envoyons par devers elle pour ceste matière, son plaisir soit nous envoyer puissance et commission à telz prélats ou aultres notables personnes que nous adviserons, pour eux informer de la vérité des choses dessusdictes et aultres bienfaicts et mérites dudict hermitte, et ladicte information renvoyer par devers Vostre Saincteté, pour par elle procedder à la canonisation dudict hermitte, se par elle est congneu, trouvé

minute à la suite de la lettre du 43 octobre 1482, adressée par Louis XI aux Jacobins de Troyes, dans laquelle il parle de l'envoi « du curé de Macbe pour soy informer et enquérir » au sujet de la sépulture de Jean de Gand. Le « procez verbal, dressé le 13 novembre 1482, lorsque le corps de Jean de Gand fut levé du lieu de sa première sépulture, b et sans doute en exécution de la volonté du roi, se trouve dans le manuscrit 144 de Haluze, fol. 75 et 79, et a été publié par Gamuzat, Prompluarium sacrarum antiquitatum Tricassinx diœcesis (Augusta? Trecarum, 1G10, in-8°), pp. 324 v°-326, et par Lenglet-Dufresnoy, Mêm. de Ph. de Commines, t. IV, lre partie, p. 154.

et prouvé que sa vie et œuvres le méritent; mais nous la prions de rechef qu'il luy plaise n'y faire aucune difficulté ny dissimulation, et elle nous fera, en ce faisant, très grand et singulier plaisir, dont nous nous tendrons grandement obligez à elle, laquelle nous prions le benoist fils de Dieu qu'il la vueille longuement mainstenir et garder au bon régime et gouvernement de saincte église. Escript aux Montilz lès Tours...

Loys.

MDCCCIX.