AU CARDINAL... (V

Montils-lès-Tours, automne 1482.

Désir du roi de faire canoniser « l'hermitte de Saint-Claude; » demande envoyée au pape d'une information sur sa vie et œuvres méritoires par Pierre Frezet; prière audit cardinal d'appuyer ces démarches de son influence. — (Copie moderne. Bibl. nat., M s. Baluze 144, fol. 78. Publ. par Camuzat, Prompiuarium sacrarum antiquitatum Tricassinœ diœcesis (Augustae Trecarum, 1610, in-12), p. 327 v°.)

Monsr le cardinal, il m'est souvenu d'un hermitte de Monsr Sainct Claude, qui vint plusieurs fois devers feu mon père et estoit de saincte vie ; et à ceste cause j'ay faict enquérir de sa mort et où il fust inhumé; et a esté trouvé qu'il est enterré aux Frères Prescheurs de Troyes. Je l'ay faict relever, et depuis y affluent plusieurs personnes, ausquelles Dieu, par son intercession, fait, comme l'on croit, de beaux miracles; par quoy j'ay délibéré de le faire canoniser, sy sa vie et œuvres le méritent. J'escrips à nostre Sainct Père

qu'il m'envoye une commission et puissance de faire information de sa vie et œuvres méritoires. Et pour ce, je vous prie que l'en solicitiez et le priiez tant que vous pourrez de par moy, qu'il le face et qu'il m'envoye ladicte commission par maistre Pierre Frezet, religieux dudit couvent des Frères Prescheurs, docteur en théologie et inquisiteur de la foy au diocèse de Troyes, lequel j'envoye par delà expressément pour ceste cause. Mais je vous prie derechief que vous y faciez dilligence, et vous me ferez bien grant plaisir. Et à Dieu, Monsr le cardinal. Escript aux Montilz les Tours.