Montélimart (Drôme

seur de Mons' le daulphin de Viennoiz, certiffie à tous qu'il appartient ou appartendra, que en ce présent mois maistre Guillaume Leotier, phisicien dudit seigneur, a baillié et livré pour et à l'usaige de mondit seigneur une chappelle portative, garnie de calice d'argent doré, deux buretez, une paix d'argent, ung messel, les troiz nappes, l'aube, l'amit, la chasuble de drap d'or, l'autel et contre autel de mesmez drap d'or, la quelle dez le moiz de janvier avoit esté achetée de lui la somme de deux cens dix livres tournoiz, dontd'icelle lui a esté baillé assignation sur maistre Helye de Linaye, commis à recevoir le don de x mil florins donnez à mondit seigneur le daulphin par les gens des trois estaz du pais du Daulpbiné à l'assemblée par eulx faicte à Roumans oudit mois de janvier derrier passé. En tesmoing de ce j'ay signée ceste présente cedule de mon seing manuel le quinzeime jour de février l'an mil cccc trente et six.

J. Majoris.

l^r mai 1437.

Amaury d'Estissac, chambellan du dauphin, reçoit 100 livres tournois destinées à des serviteurs de ce prince. — (Orig. Bibl. nat., Pièces orig., 1080, Estissac.)

Saichenttuit que nous Maurigon, seigneur d'Estissac, chambellan du roy et de monseigneur le daulphin de Viennois, confessons avoir eu et receu de maistre Helie de Linaye, secrétaire du roy nostredit seigneur et par lui commis à recevoir l'aide de x"" florins donnez et octroiez à mondit seigneur le daulphin par les gens des trois estaz du pais du ûaulphiné à l'assemblée par eulx faicte à Romans ou mois de janvier derrenier passé, la somme de cent cinquante livres tournois sur la somme de iiii'^ XX livres tournois que le roy nostredit seigneur par ses lettres données le un'" jour de février ensuivant avoit et a données à messire Jehan Sanglier, Jehan Havart, maistre d'ostel, Simon Verjus, maistre de la chambre aux deniers de mondit seigneur le daulphin, et à nous, pour les causes plus à plain contenues es dictes lectres. De laquelle somme de c livres tour-

nois nous nous tenons pour contens et bien paiez et en quictons à tousjours le dit maistre Helie et tous autres à qui quictance en appartient. En tesmoing de ce nous avons signé ces présentes de nostre saing manuel et scellées de nostre scel le premier jour de may l'an rail cccc trente sept.