ESTISSAC

26 juillet 1438.

Lettres de Charles Vil sur la dépense de l'hôtel du dauphin. — (Orig. Bibl. nat., cabinet des titres, dossier Verjus.)

Charles, par la grâce de Dieu roy de France, à nostre araé et féal l'evesque et duc de Laon, président en nostre chambre des comptes, gênerai conseillier sur le fait et gouvernement de toutes noz finances en nostre pais de Languedoc et duchié de Guienne, salut et dileclion. Nous voulons, vous mandons et expressément enjoingnons que par nostre améelfeal conseillier maistre Macé Héron, trésorier de noz guerres et receveur gênerai de toutes nosdictes finances esdiz pais, vous faictes paier, bailler et délivrer des premiers deniers de sa receple venans des six premiers mois de la revenue des aides de Languedoc ordonnez pour la guerre de l'année coramenrant le premier jour de septembre prochain venant à nostre amé et féal notaire et secrétaire maistre Symon Verjus, maistre de la chambre aux deniers de nostre très chier et très amé filz Loys, daulphin de Viennois, la somme de deux mil livres tournois que ordonnée lui avons prendre et avoir pour emploier et convertir à cause de son office en partie de la despense ordinaire de Tostel de nostredit filz pour ung an commençant le premier jour de ce présent mois. Et par rapportant ces présentes et quictances dudit Verjus seulement ladicte somme de deux mil livres tournois sera alloée es comptes et rabalue de la recepte dudit maistre Macé Héron par noz amez et feaulx gens de nos comptes ausquelz nous mandons bien expressément que ainsi le facent sans aucun contredit ou difficulté, non obstant quelconques ordonnances, restrinctions. mandemens et deffenses à ce con-

traires. Donné à Bourges le xxvi^ jour de juillet l'an de grâce mil cccc trente huit et de nostre règne le seziesme et scellée de nostre scel ordonné en l'absence du grant. Par le roy en son conseil.