Valence, 18 juillet

Le dauphin donne quittance au duc de Savoie de la somme de 1,000 écus d'or qu'il a fait envoyer à son cousin Charles d'Armagnac, laquelle somme vient en déduction des 29,000 écus d'or. — (Orig. Arch. de Turin, id., n" 8.)

Nous Loys, ainsné filz du Roy de France, daulphin de Viennoys, confessons avoir eu et receu par ces présentes de nostre très chier et très araé cousin le duc de Savoyc par la main de Jehan Mareschal, son trésorier gênerai, en descharge de la reste de vint et neuf mille escus d'or, à raison de soixante-dix au marc, en laquelle somme de vint et neuf mille escus d'or nostredit cousin nous estoit tenuz, comme appert par pubhcque instrument sur ce receu et passé par la main de Françoys Favre, noctaire et secrétaire de nostredit cousin, c'est assavoir la somme de mille escus d'or à la raison que dessus, lesquelz mille escus ledit trésorier ou nom que dessus a reaument et manuellement deUvrez et expédiez par nostre exprès commandement et requeste à nostre très chier et très amé cousin Charles d'Armignac, lesquelz mille escus nous lui avons donnez. De laquelle somme de mille escus d'or nous nous tenons pour bien content et payé et en quictons nostredit cousin, sondit trésorier et touz autres à qui quictance en pourroit appartenir, oultre toutes autres quictances et confessions par nous ou autre à ce commis paravant faicles, aussi nonobstant toutes autres assignations desja passées ou devoir à passer à ce contraires, lesquelx desrogons. Tesmoing ces présentes signées de nostre main et scellées de nostre scel secret. Donné à Valance le xviii« jour du mois de juillet l'an de grâce mil cccc quarante-sept.

LOYS

Genève, 11 septembre 1450.

Ordre donné par le duc de Savoie à sa chambre des comptes

de payer aux héritiers du feu trésorier Jean Maréchal la somme

de 22,900 écus d'or que ce dernier avait payée pour le duc. —

(Orig. Arch. de Turin, id., n° 8, pièce n" 15.)

Saint-Genis d'Aoste, 24 mai 1452.

Lettres du dauphin ordonnant aux président et gens de sa chambre des comptes à Grenoble de remettre aux envoyés du duc de Savoie tous les titres concernant la baronnie de Faucigny. — (Orig. Arch. de Turin, id., n° 14.)

Loys, ainsné filz du Roy de France, daulphin de Viennoys, conte de Vallentinoys et de Dyois, à noz amez et feaulx conseiiliers les présidant et gens de nostre chambre des comptes à Grenoble, salut et dillection. Gomme par le traictié et accord fait nagueres entre nous et nostre très chier et très amé père le duc de Savoye des transpors tant de l'omaige de Foucigny comme de nosdiz comptes, ait esté convenu d'ung cousté et d'aultre randre et bailler tous les drois et tillres faisans pour les parties. Et soit ainsi que hostredit très cher et très amé père ait de son cousté donné lectres aux gens de sa chambre des comptes qu'ilz vous doivent bailler et randre tous et chascuns les tiltres et droiz qui pourroient faire pour nous touchant lesdiz transpors, nous voulons et vous mandons par ces présentes que pareillement faictes expédier et randre à ceulx de sadicte chambre des comptes ou leurs députés et commis portans ces présentes tout ce que pourrés avoir et trouvères, faisant pour luy sans aucun contredit ou difficulté, car tel est nostre plaisir et voulons estre fait, non obstant quelconques lectres, ordonnances, restrinctions ou autres mandemens ad ce contraires. Donné à Saint-Genis-d'Oste le xxiiii^ jour de may l'an de grâce mil cccc cinquante et deux.

Par monseigneur le daulphin, le sire de Maville, raaistre

Pierre de Gampremy ' et autres presens.

Bourré.