A L'É^^QUE DE GRENOBLE
Romans, 31 mars.
Prière de venir à l'assemblée des prélats du Dauphiné qui se tiendra à Romans le mardi après Quasimodo. — (Arch. de l'évêclié de Grenoble. Publ. par Fauché-Prunelle, Bulletin de l'Académie delphinale, t. II, p. 454.)
De par le daulphin de Viennoys.
Révérend père en Dieu , nostre chier et amé, pour traiter, appoincter et conclurre sur aucuns debaz et questions qui sont'et peuvent estre de jour en jour entre nos officiers et ceulx de l'esglise à cause des juridictions et subgez d'une part et d'autre, et pour iceulx paciffier et entretenir en bonne union pour le temps avenir et garder noz subgez des oppressions indeues, ainsi qu'il appartient, nous mandons présentement tous les prelatz, desquelz les diocèses se extendent en noz pays du Daulphiné et contez de Valentinois et de Dyois, venir par devers nous en ceste ville de Romans ou alleurs où nous serons au mardi après Quasimodo prochain venant. Et vous prions et neantmoins mandons que y vueillez venir personnelement pour besoigner de vostre costé sur ceste matière avecques nous et les gens de nostre grant Conseil et
les autres prelaz dessusdiz, et en ce cas ne faictes faulle. Révérend père en Dieu, nostrc cliier et bien amé, nostrc Seigneur soit garde de vous. Donné à Romans le dernier jour de mars.
LOYS
A révérend père en Dieu l'evesque de Grenoble^ GXIII.
A l'ÉVÊQUE de GRENOBLE.
Etoile, 12 avril (1450?).
Prière de venir conférer à. Grenoble le 25 avril relativement à l'assemblée du cierge qui aura lieu à Chartres le 15 mai pour discuter l'annulation de la Pragmatique Sanction. — (Arch. de l'évêché de Grenoble. Publ. par Fauché-Prunelle, Bulletin de V Académie delpJiinale, t. Il, p. 453.)
De par le daulphin de Viennoys.
Révérend père en Dieu, nous avons précédemment receu certaines lettres de Monseigneur par lesquelles nous escript que faisions assembler les prelatz et clergié de nostre pays pour envoyer à certaine journée prinse au lieu de Chartres au xv® jour du moys de may prochain venant touchant le fait de l'esghse, ainsi que le pourrez veoir par les lettres de mondit seigneur à vous adressées, lesquelles vous envoyons. Et sommes advertis que s'est pour la cassation et rumpture de la pragmatique sanxion, qui est la chose qui touche grandement nous, vous et tout le bien du pays. Et pour ce que la matière est de granl poix et
1. Sibeud Allemand, évêque de Grenoble de 1445 au 20 janvier 1477.
à laquelle nous et vous tous avons bien besoing d'y avoir bon advis et meurement délibérer, nous vous prions et mandons que sans aucune faute vueillez venir en la ville de Grenoble le xxv® jour de ce présent moys au plus tart ou envoyer gens notables ayans puissance par vous, auquel lieu et jour avons pareillement mandé tous les autres prelatz et clergié de nostre pays pour adviser et conclure en ladicte matière ainsi qu'il semblera pour le mieulx, et aussi que vous ou vosdiz gens soient pretz d'aler à ladicte jornée de Chartres avec aucuns de nos gens et autres desdiz prelatz et clergié qui seront ordonnez et advisez audit lieu de Grenoble. Révérend père en Dieu, nostre amé et féal, nostre Seigneur soit garde de vous. Escript à Estelle le xif jour d'avril.
LOYS
[A révérend père en Dieu l'evesque de Grenoble.]
