A ETIENNE ACHARD
Grenoble, 13 août.
Ordre de donner à l'homme de Robert du Sel ce qu'il lui doit, partie en argent, partie en chevaux, draps de soie et autres marchandises.
De par le daulphin de Viennoys.
Estienne, nous nous donnons grant merveille comment en avez ainsi renvoyé l'omme de Robert du Sel, sans riens lui bailler et faire délivrer, veu que ne vous avons gueres requis, et, pour ce, gardez surtout que vous craignez d'encourir nostre indignation perpétuelle que vous ne l'en renvoiez point qu'il ne soit
content ; car il ne demande pas tout argent et lui en baillez une partie et le demeurant en clievaulx, draps de soye et aultres draps et marchandises telle qu'il vouldra, en manière toutefoyes qu'il soit content; et gardez bien de rechief que vous n'y fêtes faulte ou aultrement nous ne serons pas contens. Escript à Grenoble le xiif jour d'aoust.
LOYS
Bourré.
A Estienne Achard'.
A l'ÉVÊQUE de GRENOBLE.
La Côte-Saint-André, 7 octobre.
Prière de confirmer Jean Poitiers, son notaire et secrétaire, dans la charge de juge ordinaire de la cour de Grenoble. — (Arch. de 1 evêché de Grenoble. Publ. par Fauché-Prunelle, Bulletin de l'Académie delphinale, t. II, p. 455.)
De par le daulphin de Viennoys.
Révérend père en Dieu, nostre amé et féal, pour ce que entre autres noz officiers desirons affectueusement l'accroissement en bien et honneur de nostre amé et féal notaire et secrétaire maistre Jehan Poictiers^, tant pour les bons et agréables services qu'il nous a faiz le temps passé et fait chascun jour continuellement que pour la grant confiance que avons en lui, à icellui, pour ces causes et autres à ce nous mouvans, avons présentement donné l'office de juge ordinaire de la court comnuHie de la ville et cité de Grenoble pour
2. Jean de Poitiers, secrétaire du dauphin {Pièces justificatives, n* XLV). Fauché-Prunelle a lu par erreur Poutiers.
deux ans entiers qui premièrement escherront à nostre donnacion. Et pour ce que le terme de nostre dernier don dudit office vaquera au moys de mars prochain venant et que l'année prouchaine à venir la donnacion vous en appartient*, nous vous prions et requerrons tant acertes (jue plus povons que, pour l'amour de nous et à nostre requeste, vous vueilliez donner à nostredit secrétaire ledit office de juge ordinaire de ladicte court commune de Grenoble pour l'année prouchaine avenir, et vous nous ferez, ce faisant, un bien grand et singulier plaisir que recognoistrons envers vous quant d'aucune chose nous requerrez, et vous prions de rechief que de ce nous vueillez escoudire. Révérend père en Dieu, nostre amé et féal, nostre Seigneur soit garde de vous. Escript à la Coste Saint- André le vii^ jour d'octobre.
LOYS
A révérend père en Dieu l'evesque de Grenoble.
