Vers Noël 1541 ; de Rennes

Lignel, sénéchal du même évéque de Dol,

A celui-ci (1).

Renseignements sur ses affaires et nombreuses nouvelles.

A MONSEIGNEUR

Monseigneur , la présente sera pour vous faire savouir et avertiz de vous causes, et ausi des novelles de par deçà. En se que touche vostre cause de vous chanoines de Dol, elle dépent au dix"" de janvier. Lesdits chanoines ont baillé et doné respons à vostre respons que leurs fut baillé respondant à leur premier libelle, et Mons'' Gaudemont besoigne maintenant pour leurs répliquer. Ledit Gaudemont me a dit que ne leurs fauldra pour faulte de dresser escritures.

En ce que sont vos causes de Bintin, Joucet y a faict en tout ung remeu jucques au prochaines causes après Pasques.

En ce qui est de' vostre prébende de Rennes, nous y avons produict sans y avouir faict aultre.

Pour tant que n'y a eu que bien peu des causes, Mess" ne .ont loisir de vaquer au causes siviles, obstant les matières crimineles qui de jour en aultre leurs vienent ; et tant plus font mourir de brigans plus y en vient par desà maintenant , et signautement vers Dol et en pays de Piearmel (2). Il en ont amené ces jours de Dol troys qui ne ont rien gaigné, et un qui fut pendu à Dol qui ne voulut apellez. Vostre procureur vous en escript, et auxi faict Mons' de La Higourdays, et de touttes nouvelles de vostre évesché et affaires de par desà.

De vostre cause avecques le receveur des amendes du Parlement, de quoy fustes adjourné en vous en allant à Chateaubourg nous y avons expédié, et après en avouir parlé à Mons' le président. Il a baillé à commissaire Mess" de la Cherrie et Monerays ; et si l'on trouve que il y yaict plus d'argent que il n'en fauldra pour faire les réparations du prieuré de Sainct- Martin (3) , ledit receveur aura le demeurant ; mes je panse que ne sera pas grant.

11 a esté prins ces jours, au pays de Piearmel, neuff ou dix

— lAO —

brigans ; et si en a esté destruict ung, qui a dit que ilz sont bien mil de bande, tant en Fransse que en Bretaigne.

De nouveau aultre il n'y a rien. La Celle est grant vicaire, et son clerc M' Jacques Gadiez segrétaire. Mons' Luliez est fort mal à Rennes ; Mons^ de Beaulieu en pareil ; Mons' de Nantes est à Fontenay, qui est, ainsi que l'on dit, bien mal ; Mons' de La Prévalaye auxi fort mah car il fust frappé d'un coup de seng soudainement.

Maintenant pour desà. Mons' de La Ducheaye est maintenant en fuite, pour ung meurtre que fist un sien serviteur, il y a bien neufïou dix ans en ung nomé maistre Robert Blanchaye, de la parroice d'Isé. Il est adjourné à comparestre au Conseil ; l'on dit que fera bien de ne se trouver à Rennes. Mons' le chantre est uncore à Rennes, qui va comme de coutume. Il n'est plus mention de la Salorge par desà.

Monsg', je vous envoyé paroillement une mandement quel rae a envoyé Higourdaye, touchant le don gratuit que demande le Roy en vostre évesché {h). Il en a esté envoyé ung paroil à Rennes ; le vicaire a envoyé vers l'évesque pour y donez ordre telle que luy pléra. En se que est de vostre jardrin, je y feré besoignez incontinent que le temps sera ung peu plus sec ; je feré paroillement taillez les voliers et meptre en ordre à se premier décors, aydant nostre créateur qui je prie, Monsg% vous donner toutz jours en sancté bonne et longue vie, et paradis à la fin.

De vostre maison de Rennes, se jour de Nouail, de par le tout vostre très humble et très obéissant à jamés serviteur,

LIGNEL.

Olographe mutilé.

(1) Voir la lettre précédente.

(2) Ploermel, Morbihan.

(3] Près Yitré , lUe-et-Yilaine , comme Ghateaubourg et autres localités.

(4) « A. NOSTRE AMÉ ET FÉAL CONSEILLEU l'ÉVESQUE DE DOL, OU A SES « VICAIRES.