Vers Noël 16/il ; de Rennes

Pierre Demareau , procureur de François de Laval , évêque de Dol (1),

A celui-ci (2).

Nouvelles de sa juridiction. Douze malfaiteurs ont été condamnés et exécutés; cependant il reste encore beaucoup de brigands.

A RÉVÉREND PÈRE EN DIEU MONSEIGNEUR MONS'-MON MAISTRE MONS-- DE DOL, A PARIS.

Mon très honnoré et redoubté seigneur et maistre, apprès vous abvoir présenté mes humbles et petites recommendaiions, obéissant à vostre commandement quel par vostre missive il vous a pieu me faire, qui m'a esté chose très aggréable, je vous rescriptz des nouvelles de vostre jurisdiction : c'est que, Dieu mercy, elle a pour le présent aultant d'honneur que jurisdiction de Bretaigne. Les cinq compaignons jugés par Mons' vostre senneschal ont esté expédiez, sçabvoir : ung pendu, deulx tenaillez et puys penduz, et les deulx aultres mys sur la roë ; dempuys ung aultre pendu et ung aultre fustigué, et une des femmes fusliguée et merchée d'ung fer chault, et les troys aultres jugés à pendre; quelz en ont appelle. Et iceulx ay amenay en ceste ville, de Rennes, où suys pour le présent, poursuyvant abvoir vuidenge dudit appel, puys huyt jours.

Item ay faict prendre ung aultre es forsbourgs de vostre ville, quel j'estime qu'il tiendra le chemyn des aultres. Etnéantmoins toute vostre jurisdiction en iest unquore plaine, car l'on a veu treze ou quatorze en une bende, entre Dol et Labouczac, es hayes et tout plain d' aultres lieulx. J'estime meptre si bonne payne après que j'en [sortirai] (3), néantmoins qu'il me coustent biaucoup; car je vous certifTie que jà il m'a cousté après eulx plus de cent escuz d'or. Le parsuz de vostre jurisdiction soy porte bien, et touz vosz serviteurs font bonne chère.

Monsgr, il vous plaira me pardonner et abvoir pour excusse si je n'ay unquore rendu l'ofiice à Mess" du chapitre, car dempuis vostre département, j'ay esté fort et longuement mallade, tellement que ay esté bien près de mourir. Après ces festes, je leur en feray rendition, car mon année sera finie. Aultre, pour le présent, ne sçarroys que vous escripre, sinon que prye le Créateur qu'il vous veille donner, en santé, bonne et longue vie.

De Rennes, ce jeudi avant Noël, par vostre humble et obéissant serviteur à jamais,

PIERRE DEMAREAU.

Olographe.

(1) lUe-et- Vilaine, arrondissement de Saint-Malo.

(2) Fils naturel de Guy XVI, comle de Laval, et d'Anne d'Espinay, il ne fut légitimé (mars 1539) que neuf années après avoir été sacré évéque de Dol. Des procès, des affaires de cour et enfin les conseils qu'il alla demander aux médecins les plus illustres, pour rétablir sa santé, le rendirent plus habitant de Paris que de la capitale de l'ancien archevêché de la Bretagne. Ses absences ne lui faisaient pas néanmoins perdre de vue l'administration de son diocèse, le maintien de ses droits de juridiction et l'entretien de ses maisons et jardins. Cette lettre et la suivante montrent avec quel soin il veillait aux affaires temporelles. Il garda l'évêché de Dol pendant trente-deux années, du 30 juin 1524 au 2 juillet 1556.

(3) Mot rongé par l'humidité.