décembre ibhh ; de Rennes

Pierre d'Argentré (1), grand sénéchal de Rennes,

A la même.

Imprécations contre les moines noirs (2) qui causent un juste mécontentement à M'"* de La Trémoïlle. Nécessité d'agir pour le succès de sa supplique au Saint-Père : à Rome il faut acheter Duu à bel argent.

k MADAME DE LA TRÉMOUILLE.

Madamme, j'ay veu la lettre qu'il vous a pieu m'escripre , et ouy ce que m'a dict Mons' Dupin (3). C'est grande et louable chose de semer en ung bon jardin de bonnes semences, car ortyes et chardons ne sçauroint faire aultre chose que picquer et poindre, et de tant plus qu'ilz sont plus grassement semez et entretenuz. Il me fasche beaucoup de ouir que vous aiez mal contentement de ceste noyre semence de moenes noirs quelz s'ilz ne sont aultres que touz ceulx dont j'ay eu congnoissance, ne font ne feront en ceste saeson que contredire à toutes bonnes et piteuses intentions, pour contendre des droictz et prévilleges de leurs prédécesseurs qui eurent aparence de gens de bien, dont ilz ne sont successeurs que des rentes et de la robe.

Pour venir au poinct, et que je suis malentendant en cestz besoignes de Romme, où il fault achapter Dieu à bel argent, qui s'estoit à touz communicqué de son vouUoir, j'ay parlé à deuz ou troys gens de bien de nostre église, qui sont de mes amys et voz serviteurs, et sur vostre mémorial ont dressé une suplication à Nostre Sainct Père; et ay penczé que plustost vous l'aurez par ce chemin de Bretaigne que par Angers ne par Tours. Mons^ Dupin, le porteur de vostre lectre, a respondu de la despence, 11 n'y aura point pardeczà de faulte de sollicitation; mays si j'estoys une heure du conseil de Mons"' vostre filz, et qu'il me voullust croire, il en auroit bien la raison en ung moment.

Madamme, Mons"" Dupin vous escripra plus au long, et je me recommenderay très humblement à vostre bonne grâce et

prieray à Dieu, Madamme, qu'il vous doint sente et longue vie. Escript à Rennes, ce sabmedi xxvii° jour de décembre.

Vostre très humble et obéissant serviteur,

PIERRE DARGENTRÉ.

Madamme, uncore fault il que je vous remercie de la promptitude et courtoisie que j'ay trouvé en justice en Mons' vostre seneschal de Craon.

Très bel orig. signé.

(1) S' du Val, né en 1488, promu sénéchal le 25 septembre 1525, mort le 19 février 1547, père de Bertrand, s"" de Gosné, né le 19 mai i519, qui lui succéda en 1547; tous deux aussi savants qu'estimés, et celui-ci auteur d'une excellente histoire de Bretagne.

(2) La répétition de cet adjectif paraît indiquer les moines de Saint- Melaine, abbaye bénédictine située dans un faubourg de Rennes.

(3) Procureur de M°'^ de La Trémoïlle à Rennes. (Voir la lettre suivante.)