décembre [Iblih] ; de Rennes

Jean Dupin, procureur, ,

A celle-ci.

Détails sur la supplique dont il est question au n" précédent, et espoir de son entière réussite sans beaucoup de frais.

A MADAME, A CRAON

Madame, j'ay communicqué à Mons' le seneschal de Rennes le mémorial de voz affaires que me feistez bailler par Mons' le seneschal de Craon, lequel incontinent il a faict veoirs à des chanoynes de nostre église de Rennes, et sur iceluy ont dressé une suplicacion à Nostre Sainct Père, et ne font aulchune doubte que, facillement et à peu de mise et despance ilz ne vous facent obtenir vostre demande ; et n'en auront voz moynes aulchune congnoissance jucques à ce que les choses soint venues, qui sera dedans Pasques pour le plus loign. Et si

n'ont vouUu prendre argent de moy jucques ad ce ([ue l'affaire soit depesché et venu : et me suys obligé de les poyer, s'ilz obtiennent en brève et simple signature doze escuz solleil. Et s'ilz ne le peuvent dépeschez ne faire expédyer sans plomb (1), il coustera la moictyé davantaige, qui sont xxmi escuz, dont je suis respondant.

Madame, il vous plaira me commander en quoy je vous puisse faire service pour me y amployer de très bon cueur, comme cil qui y est très attenu. Et sur tant feray fin de lettre pour prier Dieu le créateur que, Madame, vous vueille donner, en santé, très longue vie.

Escript à Rennes, ce xxix^ de décembre.

Vostre très humble et très obéissant serviteur,