septembre 15Zi8 ; de Féolles

Pierre Meignen, s' de Garnaud (1), procureur de Sainte-Hermine,

A la vicomtesse de Thouars.

Prière de lui donner comme coadjuleur le châtelain de Mareuil, dont il se porte caution ; espérant se rendre encore utile s'il peut recouvrer la santé.

A MADAME, A CRAON

Madame, me continuant ma maladie, je ne puys aller et venir comme je soulois, par quoy, afîin que les affaires de ceste vostre seigneurie de Saincte Hermyne ne demeurent arrière, je veulx bien prandre ung coadjuleur et adjoinct le plus ydoyne et suffisant dont je me puys adviser, qui est maistre Pierre Escot, vostre chastellain à Mareuil, lequel est de présent résidant audit lieu de Saincte Hermyne (2). Vous suppliant , Madame, l'avoir aggréable et nous donner l'office de vostre procureur en ladicte seigneurie, Sainct Jehan de Buygné et Thiré, qui en sont deppendans, au sourvivant de nous deux : vous jurans foy de chrestien. Madame, que la chose procedde de mon invention et propre mouvement, car jamés ledit Escot ne m'en avoit parlé ne faict parler, ne offrir denier ; mais le voyans homme plus résolu et ligal, à mon jugement, queaultre d'icy environ, et plus cappable vous faire bon et loyal service, je l'ay bien voulu appeller et prier vous en faire oudit estât de procureur ; et si luy feray part de mes gaiges. Il est bien requis qu'il y ait homme oudit estât qui ne soit trop avare et ligier de cerveau, car on pourroit laisser couler des choses qui vous seroient de trop grande importance ; et y en a en vostre seigneurie qui voukh'oient bien y eust tel procureur, pour en faire partie a leur volunté.

Madame, je veulx néantmoins, s'il vous plaist, tousjours demeurer et mourir à vostre service, et vauldray quelque chose à vostre seigneurie, et encores plus si je puys recouvrer santé. Et pour ce cuyder faire, je me fais conduyre ces prochains jours jusques à Angiers, où l'on dit y avoir médicins et cirurgiens de grande expérience.

Madame, je supply Dieu vous donner en santé, très bonne et longue vie.

De Féolles, près Saincte Hermyne, le jour Sainct Michel mil cinq cens quarante et huyt.

Vostre très humble et très obéissant serviteur et procureur,

PIERRE MEIGNEN.

Orig. signé.

(.1) Près lie Talmond, Vendée.

(2) De Fontenay-le-Gomte, où il était chargé des affaires litigieuses de la maison de La Trémoïlle en Bas-Poitou, Hilaire Goguet le recommandait en ces termes :

0 Madame, après avoyr esté adverti que Monsieur de Garnauld, « procureur de voustre baronnye de Saincte Hermyne, avoyt délibéré, « pour son indisposition, de résigner son office ou proffict de maistre 0 Pierre Escot, voustre chastellain de Maroil, pour la grande affection « que j'ay que vous affaires soyent tousjours mieulx conduictes et « entendues comme je suys tenu , je vous en ay aussi bien voulu « escripre pour vous déclairer que je ne sçaiche homme de par deçà « qui soyt mieulx pour exercer ledict office ne pour vous y faire plus « de service que ledict Escot, tant au moyen de son sçavoir, diligence « et expériance que aussi qu'il est homme de bien et demourent sur a les lieux, et qu'il a jà congnoissance des droictz de voustre baron- « nye. Et vous promectz que, quant je le penseroye aultrement, que « je ne vous le vouldroye pas conseiller. »