novembre 16A8 ; de Pons

Claude de Laval-Bois-Dauphin (1), Au vicomte de Thouars.

Avis de venir à Angoulême ou à Pons, pour voir le connétable de France et deviser avec lui de toutes choses.

A MONSIEUR DE Là TRIMOULLE.

Monsieur, après avoir receu vostre lettre, j'ay parlé à Mons' le connestable, et m'a dict que puys que avez envie de le venir trouver, que ferez bien de venir à Angolesme, où il sera van-

dredi, et que là deviserez ensemble de toutes choses (2). Je luy ay aussi parlé de toutes les requestes que par vostre dernière lettre luy faisiez, lesquelles il m'a promis entièrement expédier audit lieu d'Angoulesme. Il m'a dict vous avoir envoyé quelque archer, pour luy faire amener quelque prisonnier; vous ferez bien, Mons', de donner ordre que ceulx qui sont entre les mains de voz officiers ne s'eschappent point.

Mons', il y a fort long temps que j'ay parlé à Mons' le connestable pour me donner congé d'aller veoir ma seur du Pui du Fou (3), qui a perdu son raary, comme vous sçavez: et me presse mondit sgr le connestable de me y en aller à ceste heure à celle fin de le trouver avant que je vous aye veu. Toutesfoys si ainsi estoit, je vous envoiray ung gentilhomme pour vous mander mon advis du propoz que vous sçavez {h). Je serois bien aise, Monsieur, que vostre commodité eust peu porter de venir icy, à celle fin que j'eusse peu parlé à vous avant que de m'en aller. Ce porteur m'a dict que la tralcte n'est pas longue d'icy à Taillebourg. Si ainsi estoit que vinssiez, je vous donnerez mon logis, et pourriez dire à mondit s'' le connestable qu'il vous asemblé le terme estre trop long de ne le point veoir qu'il ne feust à Angoulesme, qui seroit tousjours monstrer la bonne affection que avez en son endroict. Espérant bientost vous veoir, Mons', je ne vous feray plus longues lettres, sinon pour présenter mes très humbles recommendations à vostre bonne grâce, et pour prier Dieu -vous donner, Mons% en parfaicte santé très bonne, longue et heureuse vye.

De Pontz (5), ce xiii* novembre.

Vostre très humble et obéyssant cousin et serviteur,