ET CAPPITAINE DE CINQUANTE HOMMES DE SES ORDONNANCES

Mon cousin, j'ay veu, par la lettre que m'avez escripte par

ce porteur, la plaincte que vous rae faicles d'un prédicant que aucuns de vos subjeclz ont faict venir en vostre ville de Thouars , où il faict ordinairement presches et prièies , en danger de susciter entre les habitans de vostredicte ville ung trouble et sédition. Et pour ce, mon cousin, qu'il a esté résolu, en la grande compaignye qui a esté assemblée en ce lieu, l'ordre que l'on aura doresnavant à garder en telle chose, et que l'on est après à en faire les ordonnances, que je feray incontinant envoyer par toutes les courtz de parlement, bailliages, séneschaussées et prévostés de ce royaulme, pour estre publiées et observées, et qu'il me semble, si vous attendez à y toucher jusques après la publication desclictes ordonnances, que les choses en passeront plus doulcement et y serez mieulx obéy , je suis d'advis que vous ayez pascience encore pour quelque peu de jours, ainsi que je l'ay dict à cedit porteur. Auquel je m'en remettray, comme aussi du demeurant de la responce que je vous pourroys faire sur le contenu en vostredicte lettre, et priray Dieu, mon cousin, qu'il vous ayt en sa garde.

Escript à Sainct Germain en Laye, le xviii* jour de janvier

Vostre bonne cousine,