ET GAPPITAINE DE CINQUANTE LANCES DE SES ORDONNANCES

Mon filz, ayant veu ce que m'avez escript du xix* du présent, je vous ay voullu faire la présente pour vous mander que vous debvez faire exécutter le ministre que vous avez faict prendre à Touars, comme séditieux et perturbateur du repoz public, soyt de le faire pendre ou le faire gecter dans un sac à l'eaue (J); et quant au demeurant, que vous debvez ester les armes aux Huguenotz et rendre aux catholicques les leurs. Vous advisant, mon filz, que je vous envoieray ung commissaire et contrerolleur pour faire la monstre de vostre compaignye, mais jeserois bien aise de scavoir devant si le payeur a recouvert l'argent, ou bien, maintenant ((ue les trésoriers ordinaires des guerres sont venuz icy, il me vint trouver : pourquoy, s'il est là, vous le pourrez envoyer devers moy. Et sur ce faisant fin, je prieray Dieu qu'il vous doint, mon filz, ce que plus désirez.

De Bloys, le xxiii' jour de juillet 1562,

Vostre byen bon père,