A. MONSIEUR DE LA TRIMOUILLE. CHEVALIER DE L'ORDRE DU ROY

Monsieur, à soir retourna en ce lieu ung gentilhomme que j'avoie envoyé à la court, qui m'a rapporté l'intention du Roy estre que l'on courre sus à tous ceulx qui ont prins les armes, et où ilz seront rencontrez qu'on les taille en pièces comme à ennemys de sa couronne; et au contrère à ceulx qui sont demeurés en leurs maisons, y vivans patiamment et sans leur esmouvoir, encores qu'ilz soient de la Religion Reformée, qu'on les traicte de toutes les gracieusetés qu'on pourra. De quoy je vous ay bien voulu advertir, et aussi comme leurs trouppes se

renforcent de jour en jour à Lezignen et autour, n'ayant au vray sceu ce qu'ilz ont délibéré ni desseigné. Qui est tout ce que vous en puys dire pour cest heure, sinon me recommander bien humblement à voz bonnes grâces et suppliant Dieu vous donner, Monsieur, en bonne santé longue vie. De Poictiers, ce vu' octobre 'i 667.

Vostre humble et obéysant cousin,