CAPITAINE DE CINQUANTE HOMMES D'ARMES

Monseigneur, j'é receu vostre lettre par Raud, et vous remercie très humblement de l'honneur que vous m'avés faict de me faire entendre de vous nouvelles. Je l'ay incontinent renvoyé vers Mons' de Vandre (2), que je m'assure qu'il ne fauldra d'obéir à vostre commandement. Mais, Monsgr, je croye qu'il sera mallaisé de faire assembler vostre compagnie, veu la saison où nous sommes que ung chaiscun a affaire en sa maison ; et à la première montre généralle qui se fera en armes , tous c'y pourront trouver et beaucoub d'aultres, et là il fauldra choysir des meilleurs hommes et mieulx montés et bien garnir vostre compagnie. De ma part je ne fauldrés d'obéir au commandement que vous me faictes, et aussi tost que je serés certain que vous serés à Touars, je partirés de ce lieu pour

vous aller faii'e la révérance et recepvoir les comniandementz qu'il vous plaira de me faire comme vostre très humble et très affectionné serviteur, qui ne désire que de faire chose que je penseré qui vous soit aggréable. C'est ung grand heur de quoy vostre compagnie est au nombre de vielles : ce sera ung occasion qu'elle sera dorénavant plus belle et que vous n'aurés point faulte d'hommes. En cet endroict je finirés de mes très humbles recommandations, humblement à vostre bonne grâce et supplie le Créateur, Monsgr, qu'il vous doint, en santé, heureuse et longue vie.

De risle-Jourdain (3), ce xv' de juillet 1568.

Vostre très humble et obéissant serviteur,