AN

Remerciement de ce qu'il a pris sa défense envers le roi (2). Récit de ce qui est arrivé à la barque de M. Sarlabout (3), à son équipage et à ses marchandises, singes et guenons. Dévouement au service du roi.

Monsieur, j'ay receu voz lettres, auparavant lesquelles avoya esté asseuré du bon office de bon seigneur et amy que m'avei

— no —

faict pour faire entendre au Roy que n'estoye tel que Gasconnet et autres me dépeignoyent; de quoy me sens tellement vostre redevable et obligé que vous n'aurez jamais obligé gentilhomme, vostre pauvre voysin, serviteur et vassal, qui soit moins ingrat et se résente de meilleure volonté par les effectz de tous les services dont je me pourray adviser quant et moy.

Et pour vous faire entendre sommairement comme toutes choses se sont passées , de la barque et marchandise dont est question, c'est que, estant arrivé ladicte barque au havre de ce lieu, la commune et populace senquérant, avecques ledit Gasconnet et ses compaignons , qu'ilz estoyent et en vertu de quoy ilz faisoient la guerre, ne leur seurent respondre autre chose sinon s'avouher au s' de Sarlabour; ce que ladicte commune n'auroit vouleu croyre, pour les avoir trouvé saisiz d'une caravelle et marchandises espagnolles, contre qui La Majesté n'a la guerre, et aussy estant desnué de charte partie et d'hommes dudit pais d'Espalgne, contre toutes les ordonnances de la mer, estantz jugez et recogneuz de tous pour espions, rebelles d'icelle Magesté et volleurs et pirattes de mer, et aussi qu'ilz tenoyent la routte venant de la Rochelle.

Pour lesdictes considérations que autres, pour n'avoir lettres de marqe ou autre commission et adveu, et estant tous hommes incogneuz, ladicte commune les sacage et défait , emporte une partie de ce qu'ilz avoyent. Et n'eust esté ma faveur, pour la seulle considération et qu'ilz s'avouèrent appartenir à Mons^ de Sarlabour, ils eussent estez tous noyez et emplement ruynez par ladicte commune, sanz qu'ilz se puyssent justement doulloyr et plaindre d'avoir receu aucun déplaisir ne perte [tant] en leurs personnes que biens. Mais, en ma faveur, ont estez mis, eulx et se quy leur restoit de biens , en toutes seurettez et libériez , pour avoir disposé et vendu que donné ce que bon leur a semblé et dont ilz ont receu argent comptant , qu'ilz ont emporté et receu de marchant de gré à gré , sans avoir de disputtes ; qui porte assez de tesmoignage de la faulce calompnye dont ilz m'ont accusez envers Sa Magesté, de dire que je les tiens prisonniers; et m'ont faict escrire à Sa Magesté(szc) que je

les aye à mettre en délivrance {h). Aussi qu'il aparoyent par bons contractz autenctiques, signez d'eux et de notaires, de la vendicion de la pluspart de leur dicte marchandise. Et ce qui restoit a esté arresté par l'auctorité de Madame de La Trénioille, dame de ce lieu, et non par moy : de façon que c'est à tort de me rechercher et calompnier de ce que je ne puys mais et où je n'ay point touché.

Et quant à ce que on supose que j'ay dédaigné de faire responce, et me suys mocqué des lettres du Roy pour neluy avoir faict responce, je vous supplie très humblement, continuant la bonne volonté que m'avez faict cest honneur me faire paroistre par effect me porter faire entendre emplement à Sadicte Magesté que je ne me vouldroys tant oblier de faire une telle faulte; mais ce qui m'a empesché de luy escrire est que, ayant receu ces premières lettres et commandement, avions accordé, le capitaine Gasconnet et moy, que n'envoyrions ne n'yrions vers Sa Magesté que Mons' de Sarlabour n'eust envoyé homme exprès pour délivrance de la barque et marchandises, lequel s' de Sarlabour j'avoye adverty et attendions de jour en jour son homme. Comme aussi il n'a failly de venir, où il n'a trouvé Gasconnet, comme il espéroyt, pour mettre lin aladicte affaire, estant bien marry que ledit Gasconnet m'avoit ainsi manqué de promesse et trompé, pour au lieu de l'atendre, pour faire le Roy et Mons' de Sarlabour contantz.

Et estoit allé retrouver Sadicte Magesté sans mon sçeu , où il m'a despain de telle sorte que j'ameroys mieux estre mort et crevé que de ne voulloyr obéyr au commandement de mon Roy, où je n'ay faict ne ne feray jamais de difficultez de hasarder ma vie pour son très humble service ; ayant pour cest effect, et luy estre fidelle serviteur, acquis beaucoup de mes voisins rebelles, à Sa Magesté ennemis, de quoy je suis tous les jours environné , comme vous sçavez , en estant ce pais fort peuplé. Aujourd'huy qu'ilz sont revenuz chez eulxparle moien du bénéfice de la paix, et sans que j"ay peur qu'ils s'emparent de ceste place, qui est de telle importance au Roy, comme vous sçavez, pour estre la seulle pour commander a trente lieues au rond de pays, et laquelle j'ay remis (5) et prins et osté aux XIX 16

ennemys d'icelle dicte Magesté, je lusse, au lieu d'escrire, allé trouver Sadicte Magesté, pour la supplier très humblement ne croyre telz meschantz rapportz faictz de moy, et qu'il m'eust permis de faire pollronnement mentir ces mesiiisans de ses bons et fidelles serviteurs ; aussi que j'attens l'homme de Mons' de Sarlabour à revenir, lequel je feray autant, me mettant en tel debvoir (jue le Roy en recepvra contentement.

Quant aux singes et guenons, j'ay envoyé ce qui restoit oultre ce que ledit Gasconnet et ses compaignons ont donnez et venduz, et ne suys si mal advisé de voulioyr partager mon Roy, à qui je doys la vie et tout ce qui deppend de moy, ne désirans la conserver que pour son très humble service. J'escrys à Sa Magesté sussinctement , vous suppliant encores une foys très humblement, Monsieur, vouloyr embrasser la justice de ma cause: et que ceste présente serve à Sa Magesté pour l'informer comme le tout se passe, laquelle il a fallu que j'aye faict emple pour narrer tout le discours. Et attendant par vostre moien asseurance que Sa Magesté aura entendu la justice de ma cause, feray fin, attendant estre honoré de voz commandementz, et prieray Dieu, Monsieur, vous donner très heureuse et longue vie après vous avoir baisé très humblement les mains.

A Talmond ce sabmedy le xxvi° octobre 1577.

Vostre très humble et byen obéissant povre voysin, servitteur et amy,

MARRONNYERE.

Monsieur, je vous supplie encores un coup me faire entendre, parles premiers, la responce du Roy et la vostre, car je me doute que Gasconnet ne tardera guère à aller vers Sa Magesté et n'attendra volontiers l'homme de Mons' de Sarlabour à revenir. Et ne fust l'attendue dudit homme, toutes choses cessant je fusse monté à cheval pour aller trouver Sa Magesté et vous.

Orig. signé.

(1) Gentilhomme catholique du Bas-Poitou , Ois de François I'^'' et d'Anne de La Touche. La perte de la feuille d'adresse rend le destinataire inconnu. Ce n'est pus le duc de La TrémoïUe, qui était mort le

25 mars précédent, mais ce pounail èlre Landreau, vice-ainiral du Poitou.

(2) Au sujet de la prise de Tahnond par les Huguenots.

(3) Abbé de Sainl-Michel-cn-l'Herm , près Luçon, et gouverneur du Havre de Grâce, en faveur duquel Henri HI adressa la lettre suivante,

(4) a Monsieur de La Grange Marronnyère, je viens d'être présen- « tement averti que, depuis peu de jours, il est arrivé au havre de « Thalmond sur Jard ou environs, une petite barque pour y penser « recueillir un pilote et- des rafraicliissements, afin de continuer sa a roule, et dans laquelle il y a quelque quantité de marchandise, de « quoi vous vous êtes saisi , et qui plus est , sous ombre de l'auto- « rite que avez sur le lieu , acquis le droit des compagnons mariniers « dudit vaisseau. Et pour ce que j'ai ample témoignage le tout appar- « tenir au sieur de Sarlabour, gouveraeur de ma ville, francise, port « et Havre de Grâce, lequel j'ai de tout temps en singulière recom- « mandation et ne voudrois à cette occasion permettre qu'il lui fut « fait un tel tort, je vous ai voulu écrire cette -ci pour vous dire que « ayez incontinent icelle reçue, à relâcher amplement ladite barque, « mariniers, compagnons et marchandises y estant, sans en rien « retenir, sous quelque couleur que ce soit , ne chercher en nulle « connoissance de cause comme en semblable ne feront les officiers « de l'admiraulté des environs de là ; ce que je remets au s' de la « Meilleraye , mon vice-amiral , et ofÛciers de sa chambre en mon « pays de Normandie , où ladite barque doit prendre descente. Vou- « lant aussi que ayez à restituer, par même moyen, tout ce que « auriez acquis, selon quelque titre que ce soit, desdites marchan- « dises, en vous rendant le pri.\' que aurez déboursé pour icelle, connue « en semblable ferez ce qui vous a esté délaissé par le capitaine dudit a vaisseau, présent porteur, lorsque l'aviez en votre pouvoir.

« Et d'autant que tout ce que dessus est chose que je veux être « ensuivie, vous ne ferez faute d'y satisfaire, ayant pour cet effet écrit a au sieur du Landereau y tenir la main : de telle sorte que ce ne soit « occasion vous en faire plus vive instance.

« Priant sur ce Dieu , Monsieur de la Grange Marronnyère, vous « avoir en sa saincte garde.

« Ecrit à Poitiers, le 5^ jour d'octobre 1577.

Signé : « henry. » Et au bas : « de neufville. »

« Depuis la présente écrite , je vous en ai fait une autre à même tt tin, et pour m'envoyer les guenons qui sont en vos mains par ce

ff laquais, ainsi que le capitaine du navire vous dira de ma part; « lequel j'ai chargé me venir trouver en brief ou envoyer l'un de ses « gens afln d'entendre s'il sera satisfait de tout ce qui lui a été arrêté « et pris. D

Copie conlemporaine .

(5} Ajoutez : Au service du Roi.