avril 1578 ; de Nantes

René de Sanzay, et sa femme Renée Du Plantys (1), A la duchesse de Thouars.

Regrets de ne pouvoir aller de suite la remercier au sujet du mariage de leur ûUe.

A MADAME DE LA TRIMOUILLE

Madame, je pence que pourrez avoir bien entendu comme Monsieur le duc de Montpancier a esté en ce pays, dont depuis deux jours il est party. Je pensois m'en aller avecques luy pour vous aller trouver, l'ayant conduict jusques près d'Anjers; mais il ne m'est possible, à l'ocasion des charges qu'il m'a laissées à exécuter pour le service du Roy, où pour cest effect est icy demeuré Mons' le président Bargeot, qui y estoit avecques mondit s' de Montpancier, par le comandement du Roy. J'espère que dedans peu de jours, ce qui se pourra faire sera faict, et incontinent je vous iray trouver pour adviser avecques vous, puisqu'il vous plaist me voulloir faire tant de bien et d'honneur, et à ma fille, des propos dont il vous a pieu m'escripre pour son mariage. Et cependant je vous supplye très humblement, Madame, voulloir ouyr ce porteur et sur ce qu'il vous dira me voulloir faire tant de bien et d'honneur, et à ma fille, que d'y voulloir pencer, et me comander vous faire service, où je ne feray faulte tant que vie et biens me pourront durer, moïennant l'aide de Dieu, que supplie vous donner. Madame,

très longue et heureuze vie, me recomandant humblement à voz bonnes grâces.

De Nantes, ce xviii" apvril 1578.

Vostre très humble et très hobéissant cousin et serviteur,

RENÉ DE SAMZAY.

Orig. signé.

Madame, Monsieur le comte de Sanzay vous escript touchant ce qu'il vous a pieu luy faire entendre, et à moy , pour le mariage de nostre fille, à quoy du tout je me remetz fors de tousjours vous supplier très humblement me vouUoir aymer, et ma dicte fille, comme nous sommes affectionnés à vous faire service , suppliant Dieu , Madame , vous donner très longue et heureuze vie en me recomandant très humblement à voz bonnes grâces.

De Nantes, ce xviii" apvril 1578.

Vostre très humble et obéissante cousine et servante,