MADAME LA DUCHESSE DE THOUARS, A THOUARS

Madame, nous pauvres habitans et voz subjectz de vostre terre, justice de Bosmiers, avons esté contrainctz de vous envoyer la présente par ce que ordinairement sommes travaillez, arrensonnez et pillez par les gens d'armes; et n'y a en tout le pays de Berry plus pillé et arrensonné que vostre dicte terre comme, s'il plalst à Vostre Majesté (2) d'en informer, trouverez chose véritable; dont, Madame, est très nécessaire que nous envoyez aultre capitaine pour delTendre vosdictz pauvres subjectz, aultrement demeurerez sans en avoir aulcunz et perderez voz cens et rentes et revenu d'icelle terre.

Madame, pour le regard de meclre vostre asseurance à La Doussinyère et son frère, n'y en a poinct, d'aultant que les gens d'armes dyent que se sont vendeurs d'aran et de potz de terre; et n'ont en iceulx aulcun pouvoir, lîrief. Madame, ne passe compaignie qui ne nous viennent veoyr et ne logent en vostre dicte terre. A ceste cause , Madame , que vous nous bailliez autre capitaine et garde pour conserver voz subjectz.

Madame, sera fin de la présente, après avoir pryé nostre Dieu vous bailler très longue et heureuse vye.

De Bousmiers, ce tranteiesme aoust mil cinq cens soixante dix huict.

Voz très humbles serviteurs et subjectz de BOUSMIERS, Qui ont faict signer la présente à FRANÇOIS AMOURETES, parce qu'ilz ne sçavent signer.

Original.

(1) Tanneguy Du Chesneau, dont il y a une lettre au n' 260.

(2) Sic pour Grandeur.