décembre 1578; de Gand

Guillaume de Nassau, prince d'Orange (1),

A sa femme, Charlotte de Bourbon (2).

Ennui mais bon espoir de son séjour à Gand (3). Malgré la continuité des injustes et méchantes interprétation?, il continuera à servir sa patrie, soutenu par sa conscience et par sa conliance en Dieu.

Ma femme ma mye, Landa est arrivé ce mattin, environ les IX heures, et m'ast apporté voz lettres et celles de Mons' mon frère [h) et de Mons^ de S'-Aldegonde (5), et comme celles de Mons' de S-Aldegonde estient d'importance, je luy ay incontinent faict response et l'ay prié voloir faire mes excuses, tant vers mondit frère que vous, que ne vous ay respondu. Despuis est arrivé le conte de Hohenlo (6), lequel m'ast apporté les vostres. Or pour vous respondre sur tous les deux lettres, ne vous sçaurois dire aullre chose qu'il me desplait bien que les affaires de par delà sont en tel estât que nous ne nous porrons si tost veoir; mais puisque, pai' vostre dernière, l'on peult donner quelque contentement à la commune, ne peus sinon me conformer à l'advis de Mons' le conte de Schwartzbourg (7), Mons' de S*-Aldegonde et le vostre.

Je pens bien que pour le moings il passeront les quinse jours avant que porrei partir d'issi, car il y ast tant de diverses humeurs issi qu'il y fault du temps pour les faire ranger à la raison, et peult estre ceulx qui crient bien h'ault, et qu'ilx ser\ent plus tost de contrôleur que non pas pour remédier les affaires, se trouveront bien empesché à démeller ungn tel faict. Et veulx dire en vérité, que si les affaires se paraschevent comme ilx sont encommencées, que je pens, par la grâce de Dieu, avoir faict ung signalé service à tout ce pais, et mesmes à ceulx qui ne taschent que de blasmer mes actions. Mais, Dieu merci, je suis tant acoustumé de tek blasmes continnues

qu'il ne m'en soussi de rien, puisque j'é apaisement à ma concience que je m'arêtré en ce faict ouvertement sans avoir aultre regard que au bien et tranquillité de nostre patrie ; et en cela je prie à Dieu faire ainsi de mon âme. 11 me déplait certes de voir tous ces descidences et me sembleroit beaucoup mieulx qu'ilx parlissent overtement que non pas en particulier de dégiser les actions d'ungn homme de bien. Je vous escris tout cessi à cause que Mons' de S'-Aldegonde me mande que plusieurs interprêtent les offices que je faist issi comme si fussent faicts en aultre intention ; et que tout n'est que feintise, et qu'ilx sçavent bien ({ue tout ce qui se faict en ceste ville, et de iMons'' le duc Casamirus (8), at esté faict par réciproque intelligence et que n'é désir que de remuer tout cest estât et de me faire grant. Je vouldrois, si ne fusse honte, fjue chascung, sçeusse mon estât et en quel extrémité nous affaires sont : je suis assuré qu'il en aurient plus tost pittié que non pas envie. Enfin il ne fault pour cela se lasser, mais continuer constament de faire son mieulx; comme j'esper que Dieu m'en donnerat la grâce.

La maladie de Mons' de Boussu (9) me centriste fort, d'autant plus que Landa m'ast dict qu'en partant de là, les docteurs avoient peu ou nulle espérance. Je voi/s prie me donner journelement advis quel espoir qu'il y ast de sa convalescence. Et sur ce finiray ceste avecque mes très affectueuses recommendations à vostre bonne grâce (lOj, priant le Créateur vous donner, m'a femme ma mye, en santé bonne vie et longe.

De Gant, ce xviii de décembre, anno 1598.

Vostre bien bon mari à jammais.