i" janvier, vers

Gabrielle de Mareuil, marquise de Mezières (1), A la duchesse de Thouars. (2).

Prière de choisir une ville oii elles se rencontreront, pour terminer à l'amiable un procès qui remonte à quarante ans passés.

A MADAME DE LA TRIMOUILLE

Madame, j'ay receu avec grand plaisir la lettre qu'il vous a pieu m'escripre pour y congnoistre la volunté que vous avez de veoir une fin amiable au différend qui est entre nous, dont je doitz avoir dadventaige plus de désir d'en sortir, joinct qu'il y y a quarente ans ans passées (3) que ceulx qui y avoient intérest en debvoient avoir laissé ung repos. Il ne tiendra point à moy. Madame, que vous ne l'ayez de ce costé là et moy pareillement. A quoy, si mon advocat de Paris eust trouvé voz gens disposez , lorsque je luy ay donné charge de leur en corn-

munîquer et ad viser les moiens, que en vostre absence et la mienne l'on y eust peu faire quelque acheminement, vous ne m'eussiez donné blasme d'avoir manqué à ce que je vous ay dict ; mais mon advocat se execuse par malladie et aultres empeschemens pour son particulier, luy ayant adressé de mes lettres pour vous présenter, où je vous faisois entendre qu'il mestoit impossible de me trouver au jour que avyons entreprins. Et puisque ce qui a esté différé jusques icy n'est que du temps perdu pour moy, j'ay dict à Mons' De Rouet [h], présent porteur, que s'il vous plaist choisir quelque ville près de Paris, comme Orléans ou aultres lieux proches, je m'y trouveray, par la grâce de Dieu, si vous l'avez agréable, au mois de may prochain. Duquel je ne ferois pas esleclion si ce n'est que ledit s' De Rouet m'a par exprès assuré que vous trouveriez bon d'entendre le temps, d'aultant Madame, que je veulx prester toute obéissance à voz commoditez et vous faire aultant de service que je vous ay assuré : vous suppliant me garder voz bonnes grâces, dont il vous a pieu uie faire telle assurance que je n'en veulx jamais faire doubte. Priant le Créateur vous donner. Madame, en toute prospérité, très bonne et longue vye. De Poictiers, ce premier jour de l'an.

Vostre plus humble et hobéissante cousine à vous faire servyce,

G. DE MAREUILH.

Orig. signé.

(1) Veuve de Nicolas d'Anjou, vers l'année 1565, elle vivait encore en 1593. Pour les circonstances qui précédèrent leur mariage, voir les n°» 77 à 80.

(2) Jeanne de Montmorency, veuve de Louis III de La TrémoïUe.

(3) Non seulement au début, mais en conséquence de son mariage déûnilif, le 29 septembre 1541.

(4) Chef du conseil de la maison de La ïrémoïlle.