A MADAME DE LA TRIMOULLE, DUCHESSE DE THOUARS

Madame, après tant de faveurs que j'ay receues de vous, il me rest(-; encore à vous prier de recepvoir par procureur deux hommages liges que je vous doibtz, ou à Monsieur vostre filz, comme héritière, par bénéfice d'inventaire de feu Monsieur de Strosse, mon cousin (2): l'ung pour raison de la baronnie de Bressuire, chaslellenie de Chicbé et Monscontant et leurs apar-^ tenances, et l'autre pour raison de la haulte justice de Luzay et ses apartenances; et ce à cause de la mort dudit feu seigneur Strosse, mon cousin. Vous priant aussi. Madame, que, comme vous m'obligez tous les jours de plus en plus à vous, aussi vous usiez de la puissance que vous avez acquise sur moy, et de faire estât de mon service; remettant le surplus à la suffisance du procureur de Bressuire, présent porteur, pour ne vous importuner d'une plus longue lettre, ains pour fin vous baiser les mains. Priant Dieu, Madame, vous donner, en parfaicte santé, très longue et très heureuse vie.

A Paris, ce 5* may 1583.

Vostre humble et obéissante servante,