août 1516 (1) ; de Tours

Michel Chausse Blanche, maître d'hôtel de la vicomtesse de Thouars,

A celle-ci.

Renseignements sur les affaires et sur la famille de ladite dame. Assassinat d'un brodeur dans la forêt de Chinon. Taille de son améthiste par le lapidaire Habert (2). Paiement de velours et demande de toiles. Mouvelles diverses.

A MADAME

Madame, plaise vous savoir que, en acomplissant ce qu'il vous a pieu nie commender, j'ay sceu par maistre Jehan Jolyvet, esleu de Chinon, que le brodeur que demendiez avoir à vostre service n'est plus et que puis naguères il fut tué en la fourest dudit Chinon; et m'a mendé ledit esleu s'il en vient aucun en la ville qu'il le vous envoyera.

Madame, incontinent que fuz yer en ceste ville, baillay les lettres que esciipviez à Madame de Taillebourg (3) et à Madame vostre fille {h), qui furent bien joyeuses de voz bonnes nouvelles. Madicte dame vostre fille vous escript, et vous envoyé les lettres. De madicte dame de Taillebourg, elle m'a dit qu'elle vous [a] escript yer, et qu'elle vous escripra, mais que à présent n'avoit clerc pour vous escripre.

Madame, j'ay monstre vostre pierre à plusieurs oiïèvres. Hz m'ont dit que c'est une pierre d'une roche d'ainatiste, mais pour ce qu'elle est si très fort glassée ne la prisent tant : je cruy que c'estoit pour ce qu'ilz pensoient que la voulsisse vendre. Et pour ce que ladicte pierre se peult faire d'une sorte

des deux coustez, l'ay laissée entre les mains de Françoys Habeit pour ce faire, aussi i'encbassure d'argent doré dont il vous a pieu me donner charge; et mais qu'elle soit ainsi acoustrée, se trouvera belle et riclie. Je parleray demain combien cousteroit à faire ce qu'il vous a pieu me dire.

Madame, maistre Adam Rolland a fait une partie de ce dont Monsgr luy avoit pryé luy fornir, et m'a baillé jusques à la somme de xii^^ livres, et pour ce que aujourduy n'ay sceu tant besoigner de convertir la monnoie en or, pour ce que les escutz sont chers, me fault demeurer jusques à demain après disgner pour ce faire et esvyter lavoicture qu'il fauldroit trayner après moy.

Madame, ledit Rolland m'a dit avoir parlé à Monsgr le général de Beaulne (5), du reste de la pension dont il vous a pieu me donner charge; qui me dit que mondit sgr le général a regardé en cest affaire, et qu'il sera payé jusques au jour de son trespas, mais que des mille livres dont il a esté recullé de deux cartiers, tant de sa pension ordinaire que de la creiie (6), fauldra que le Roy le commende. J'en parleray à Monsgr Bonnyvet (7), en luy baillant les lettres, et luy diray ({ue le pryez d'en parler audit sgr et y feray tout mon possible. Madame, quant aux descharges de Monsgr, j'espère, ad ce que m'a dit ledit. Rollant, quelles seront dépeschées à Amboise.

Madame, j'ay parlé aujourduy à Mons' d'Aumont (8), qui m'a dit estre bien desplaisant qu'il n'estoit icy quant le Roy y arriva, car il eust acompaigné Monsgr jusques à sa maison pour vous aller veoir, ce qu'il désire bien ; et m'a fort enquis des nouvelles de Monsgr et de vous.

Madame, on dit que la paix a esté cryée à Paris entre le Roy et le roy catholique, et ne attend on l'heure que le Roy parte d'Amboise pour s'en aller à Paris. On dit aussi que la Royne et Madame (9) sen veullent retourner icy, car il se meurent de la peste à Amboise. Quant aux Suysses, ne de Mons'' le bastard de Savoye (10), il n'en est icy nouvelles.

Madame, j'ay parlé à Saudron, et luy ay baillé l'argent du veloux et luy ay parlé des toilles que demendez qu'il vous fasse tandre et acoustrer. Il m'a dit qu'il le fera ainsi que

Mons' de Nerterre (H) luy a escript; et quant à son allée devers vous, il ne luy est encoies possible, car il a la ville pour prison, à cause de son procès où il se laissa contumacer tant qu'il fut cà l'obsecque de feu Alonsgr voslre lilz, à qui Dieu vueille pardonner. Madame, je feray, tant en court que à Cléry (12), ce qu'il vous a pieu me commender, et de ce que je sçauray de ladicte pension vous en adverliray, ensemble de toutes pouvelles que je pourray sçavoir. Madame, il vous plaira me pardonner si j'ay prins la hardiesse de vous escripre, mais autrement ne vous eusse sçeu Hiire savoir de ce que j'ay faict, en enssuivant vostre bon commandement. Madame, il vous plaira me mender et commender voz bons plaisirs pour les acomplir à l'aide de Dieu, auquel je pry, Madame, qui vous doint trèi bonne vye et longue.

A Tours, ce xxv' jour d'aougst.

Vostre très humble et très obéissant serviteur, MICHEL CHAUSSEBLANCHE.

Olographe.

(1) Date résultant de la mort du prince de Taltnont. [1] Ce lapidaire et le tapissier SauJron ne sont pas nommés dans les Arts en Tournine. V. n' 1 , note 1 . Adam Rolland était un changeur.

(3) Jeanne d'Angouléme, veuve de Charles de Goëtivy, comte de Taillebourg.

(4) Louise de Coëtivy, veuve du prince de Talmond.

(5) Jacques de Beaune, baron de Samblançay, général ou surintendant des finances.

(G) Augmentation de pension qui avait été accordée au prince de Talmond.

(7) Gaillaiime Gouffier (l'amiral Bonnivet).

(8) Jean d'Aumont, lieutenant général de Bourgogne.

(9) Louise de Savoie, mëre de François P^

(10) Frère naturel de celle-ci.

(il) Noirterre, près Bressuire, Deux-Sèvres.

(l2) Près d'Orléans, probablemeuu pour une fuiidalion pieuse à sa célèbre éulise de Notre- Uame.

- Su —