I^Jiim 1585 ; de Doué en Anjou

Marguerite Pellant, concierge du château de Doué, A la même.

Vols et pillages commis par les gendarmes, tant huguenots qu'autres, par la connivence du receveur dudit château.

A MADAME, A THOUARS

Madame, j'avois fect fere unge letre pour vous fere tenir dès mercredy dernier, mes il ne me fut possible la vous envoier ledict jour ne depuis, à cauze des gendarmes qui n'ont bougé d'icy, et en sy gr.T:nd nombre que c'est grand pitié de la perte qu'il font; je vous envoie pourtant ladicte letre. Et depuis est arivé que vostre chasteau est le plus abendonné qu'il fut jamés, tout le monde y estent mestre au moïen des personnes que vostre receveur a logetz audict chasteau ; et y couchent, tant de huguenotz que autres en grand nombre, ledict receveur m'aient osté les clefz de la porte, dizent qu'il a toute charge de vous d'y fere tout ce qu'il voudra; mesme que pour fere la garde qui s'y fect tous les jours, il m'ont fect brûler grant nombre de bois, qui estoit en la grange et que nous avions en garde; aussy que ceste nuit dernière a esté dérobé ung mouton en la grenge, qui a esté trouvé abillé en la gallerie du receveur. Aussy il m'ont dérobé ung oyzon l'autre nuit; et quelque garde que on fasse, les gendarmes ne cessent d'y entrer et aller partout, mesme ilz vienne fere des marchetz de chevaux souvent.

Madame, je n'y et veu jamés tel dezordre, et si cela continue, j'émeroys mieux en estre dehors que dedens; et vous suplie. Madame, commender que raizon y soit fecte, et sy vouliez que je fasse fere informassion de tout ce qui a esté dé-

robe en vostre dict chasteau. Aussy il y a esté dérobé, depuis huit jours, trois aultre moutons. Si ledict receveur ne ce fust mêlé de la porte et ne m'eust osté les clefz, cela ne fust arivé et n'y eust eu aucune plainte, non plus que par le passé, y aient veu plus de gendarmes qu'il n'y a à prézent en ce lieu. Je n'é garde. Madame, de vous envoïer des pois ne aultre nouveauté, car les gendarmes ont tout mengé. En cest endroict je prie Dieu, Madame, de vous donner, en sente, très bonne et longue vie.

De Doué, en vostre chasteau, ce xu' jour de jun 1585. Vostre très humble ser vente,

MARGUERITE PELLANT.

Olographe (1).

(1) Cette pièce n'est pas de la main de la concierge, pas plus que la lettre du mercredi précédent.