mars 1586 ; de Thouars

Les officiers et habitants dudit lieu, A la même.

Envoi d'une lettre de M. de Malicorne (t), et mesures prises pour la conservation de leur ville sous l'obéissance du Roi.

A MADAME

Madame , nous vous envoyons la coppie des lettrez de Monsieur de Malicorne , qu'il nous a escript , par laquelle verrez, s'il vous plaist en prandre la payne, le seing et désir qu'il a que ceste vostre ville soict conservée on service ot obéissance de La Majesté , comme nous avez tousjours faict cest honneur de commander de ce faire ; qui a esté faict, par la grâce de Dieu et vostre faveur, jusques à présant, tellement qu'il ne y est arrivé aulcun inconvénient au préjudice du service de Ladicte Majesté. Et d'au] tant que la créance du porteur estoict de mectre garnisons en ceste vostredicte ville, à tout le moingz par ung gentilhomme et vingt soldatz en vostre chasteau,

doublant que voulussions fermer la porte à ceulx qui ont puissance, nous avons supplié très humblement Mons^ de Malicorne de se assurer de nous. Et croyés que nous ne permettons, suyvant les commandementz qu'il vous a pieu nous faire et comme est vostre intention, aulcune chose estre entreprise on préjudice du service de Ladicte Majesté, et ne donner subject d'irriter personne, qui nous faict vous supplier très humblement, Madame, nous faire cest honneur continuer la bonne volunté et affection que nous avez tousjours monstrée, que, par vostre moïen et faveur , nous puissions estre conservez , et vostredicte ville, et ne permettre que ne soions en payne de noz personnes et vies pour la promesse qu'avons, soubz l'assurance de vous commandementz, faicte de la conservation de cestedicte vostre ville en l'obéissance du service de Ladicte Majesté et du vostre. Et qu'il vous plaise vous souvenir et faire recharger , et nous prirons Dieu de plus en plus , comme sommes tenuz et obligez. Madame, pour vostre très heureuse prospérité et santé, après vous avoir très humblement baizé les mains. De Thouars ce premier jour de mars 1586.

Voz très humbles et obéissans serviteurs,