A MA.DAME LA DUCHESSE DE TOUARS

Madame, ayant tantost satisfaict aux dettes de feu Monsieur de Strosse , et par conséquent deschargé les ypothecques de la terre de Bressuire, je ne trouvois aucun besoing ny moings nécessaire la faire décrecter, toutesfois ayant pieu à la royne mère du Roy faire cest honneur a mon filz vouloir entendre aux

moïens de luy conserver ce qu'il a, Sa Majesté a pensé, pour le regard de Bressuire, estre le meilleur, pour purger toutes ypothecques, la faire décrecter; mais d'aultant que combien que ledit décrect soit voluntaire, et sans aucune nécessité, vous renderoit aussi bien acquis les quint et requint comme si la terre estoit vendue par rigueur de justice, Sa Majesté s'est advisée de vous en escripre la lettre que ce porteur vous rendera de sa part. S'il vous plaist. Madame, y donner quelque effect, en faveur de Sadicte Majesté et en souvenance de la deffuncte, qui vous estoit très affectionnée servante, vous renderez par cette courtoisye une jouissance plus asseurée de ladicte terre, couppant chemin à quelque accident qui pourroit venir cy après si aucuns créanciers venoient à demander ou prétendre luy estre deub par ledit feu sieur de Strosseplus tost debtes faulces, comme jcà aucuns ont voulu faire, que vrayes et justes debtes, lesquelles sont, à mon jugement, toutes apparues et demandées. Recevant cest honneste plaisir de vostre bonté. Madame, nous vous en demeurerons, mon fdz et moy, perpétuellement obligez pour, en l'exécucion de vos commandemens, quand il vous plaira nous en honorer, le père pour tous deux pour la jeunesse du filz, vous continuer de mesme volunté le très humble et très affectionné service que la deffuncte et luy vous ont voué. Attendant la dessus la responce de vostre intencion, par cedit porteur, lequel vous dira le surplus que j'ay pensé debvoir partire de moy pour cest affaire, nous vous baisons, mon filz et moy, très humblement les mains ; priant Dieu qu'il vous donne. Madame, et très contente et heureuse vye, jouissances de ses sainctes grâces et perpétuelle félicité.

De Paris, ce 10 apvril 1587.

Vostre très humble et très obéissant serviteur,

SGIPIONE FIESGO.

Orig. signé.

(1) Veuf d'Alfonsine Strozzi, dame d'honneur de Catherine de Médicis, laquelle était nièce et héritière du maréchal de même nom, il avait dû faire décréter la susdite terre pour préserver les intérêts de son fils contre les créanciers de celui-ci.

21!.— 13 avril 1587 ; de Mauléon.

Les habitants dudit lieu (1), A la même.

Explication des circonstances involontaires qui leur ont attiré le courroux du duc son fils, et prière de lui écrire en leur faveur.

A MADAME, A THOUARS

Madame, il pleut à Monseigneur d'envoyer sabmedy au soyr son lacqucst en ce lieu, garny d'une lectre et passeport adroissant à ses ofliciers, portant commandement le aller trouvera la Chasteigneraye (2) pour leur faire entendre sa voullonté. Et parceque ladicte lectre ne s'adroissoyt que aux officiers qui ne sont en ce lieu, estant l'ung à Paris l'autre à Poictiers, fors le greffier, nul ne alla vers mondit seigneur comme l'on debvoyt, ce que mondit sgr a prins, à ce que avons entendu, en fort mauvaise part, sur ce que aulcuns luy ont fiiict entendre que le daidégnions pour lui bailler occasion de permectre aux trouppes venir ycy ; qui est ung semblable donné à entendre qu'on feyt à Mons' de Mallicorne, disant que ne congnoissions le Roy ne luy ains seullement vous et Monseigneur. Et ainsi nous voyla odieux à tous, à nostre grand regret, mesmes vers Monseigneur nostre maistre, qui à ce que l'en nous menasse vieult faire achemyner les trouppes ce jourd'huy en ce lieu, sinon que soyons aydez de vostre faveur et auctorité vers mondit seigneur. Vous suppliant. Madame, si voyez que bien soyt, prendre la payne luy escrire pour le divertir de ceste oppinyon, s'il l'avoyt consçeue contre nous, qui seroyt sans cause, considéré que voulions tousjours demourer ses humbles subgectz et obéissans ; et que s'il luy eust pieu escripre aux habitans, l'on fust allé vers luy. Mais escripvant seullement à ses officiers, l'on a penssé qu'il n'en voulloyt d'autres. Et en cest endroict vous baisons très humblement les mains, priant Dieu, Madame, vous donner, en santé, très bonne et longue vie.

De Mauléon, tous en allaruie pour ce que l'on dict que debvons estre assiégé, ce jourd'huy le xiu" de apvril (3).

\'oz très humbles et très obéissans subgectz,