A MADAME I>H LA TREMOILLE, A BERRYE

Madame, je ne vous puis mander de nouvelles de Saint- Jehan que les mesmes (jue ui'escripvez, que j'ay apprinses par ung des gens de M. de La BouUinière (1), qui a envoyé quérir ung passeport en ceste ville pour se retirer, avec sa femme, de Saint- Jehan, et n'a voullu habandonner M"" la princesse qu'elle ne fust en pleine liberté. Nous en pourrons sçavoir plus particullières nouvelles quand ilz passeront par ceste ville. Dieu faict paroistre sa justice par-dessus les calomnies, et croy certainement qu'il ne laissera point les calomniateurs impunis.

Quant aux nouvelles de la court, il en survient de jour à aultre de si diverses, et en beaucoup d'aultres lieux de ce royaulme, qu'il est facille à juger que Dieu est bien courroussé contre ce pauvre royaulme. Le décez de la Royne a apporté beaucoup de tristesse à la court. Elle pourra faire faulte en ses afflictions parcequ'elle trouvoit tousjours quelque expédient pour pacifîier les tumultes. Le Roy se délibère de droisser une armée à Chartres pour chastier les nuitins, qui ne peuvent guère durer s'ilz ne sont soubstenuz d'ailleurs. L'on tient que Mons' le cardinal de Bourbon est fort mal , et que l'on veult laisser le mariage du duc de Florence pour le faire avec Mons' le prince Dombes (2). Ceulx de Paris et d'Orléans, et quelques aultres villes, font d'estranges foUies, dont ilz se pourront trouver mal, parce qu'il ne se fault jamais adroisser à son maislre que pour luy obéir. Dieu nous a tousjours faict la grâce de vivre sagement en ceste ville, comme je m'asseure que nous continuerons; et le suppliray, après vous avoir très humblement baizé les mains, qu'il vous donne, Madame, en bonne santé longue et heureuse vie.

De Poictiers, ce xi" de janvier 1589.

Vostre très humble et obéissant serviteur,

FRANGOYS DE BRILHAC.

Bel olographe.

(1) Sic, probablement pour Bouninière.

(2) Le titre de Prince de Dombes est un de ceux donnés au fils du duc de Montpensier, nommé plus haut Prince-Dauphm, etc., etc. Par

une lettre du même jour, les nouvelles contenues dans celle-ci sont conflrmées à la duchesse par Pierre Rat. lieutenant-général de Poitiers.