mai 1589 ; de Thouars
René Gaschignard (1), sénéchal duditlieu,
A la même.
Conflit entre les officiers du duc de Thouars et le commandant de la garnison, au sujet de la publication de la trêve passée entre le roi de Navarre et le roi de France.
Madame, pour responce aux vostres, combien que Mons' Delaville, vostre sécrétai le, vous ait peu faire fidèle raport de ce qui se passa en ceste ville le jour d'hier, néantmoins parceque je cognois que désirés estre esclarcie par escript dudict affaire, je vous en feray un sommaire récit.
Qui est que le vendredy cincquiesme de ce mois, le s' de La Nouheraye (2j me fît faire par Berthault Jannel, son sergent, deffense de publier la trêve du Roy, disant qu'il vouloit faire publier celle du roy de Navarre (3); ce qu'il fist, estant pour cest eflect venu en l'auditoire, avecques le s' Du iMoulin et nombre de soldatz. Et après la lecture faicte, ledict Du Moulin, soy disant procureur du roy de Navarre, requist qu'elle fust registrée es papiers du greffe et publiée par les quantons de ceste ville, ce qui fut faict au son du tabourin. Et après avoir receu du greffier de Poictiers la déclaration de ladicte trefve, avecques ung aultre édict contre ceulx de la Ligue, il me fit deffense de faire publier et l'uiig et l'aultre, disant qu'il recognoissoit seulement en ceste ville l'authorité du roy de Navarre, en ce qui concernoit la publication de ladicte trêve.
Le jour d'hier, ledict Du Moulin, sur les neuf heures, entre en l'auditoire, accompaigné de quelques soldatz, et voulut faire lire par le greffier la copie de certaines lettres , en forme de édict, données à La Rochelle le vingt et huictiesme jour de décembre dernier, desquelle je vous envoiray copie demain ou lundy pour le plus tard ; et votant que vostre greffier ne les
vouloit publier el que vostre procureur y donna opposition, luy niesmes en fist la lecture avecques parolles fort corrosives. Sur quoy luy aiant esté par uioy remonstré que la chose estoit de telle conséquence qu'elle méritoit bien d'en advertir Monseigneur, il me dist qu'il sçavoit mieulx la volonté de niondict seigneur que moy, et qu'il ne recognoissoit aulcunement l'authoiité de niondict seigneur où il y alloit des droictz du roy de Navarre, et que de brief il y auroit en ceste ville ung substitut du procureur du Roy érigé en tiltre d'estat ; et plusieurs aultres propos qui seroient longs à réciter, tendans à la diminution des droictz de vostre duché. Je vous laisseray le jugement desdictes choses, pour y sçavoir bien juger la conséquence d'icelles et y pourveoir de remède convenable. Monseigneur peult cognoistre à présent les eifectz de la garnison par luy requise, et la perte et dommage qu'elle pourra cy-après apporter; pour lequel faire cesser, il fault faire oster ladictegarnison.
Cependant, Madame, je supplieray Dieu vous donner, en santé, bonne et longue vie, après vous avoir bien humblement baisé les mains.
De Thouars, ce 13* de may 1589.
Vostre serviteur humble,
RENÉ GASCHIGNARD.
Olographe .
[{) Par acte du 17 mai 1602, son fils René, licencié en lois, s' de la Guillerie , obtint la survivance de la charge de sénéchal de robe longue et juge ordinaire du duché de Thouars , moyennant la somme de 1500 écus d'or au soleil, ou 4,500 1. t.
(2) Dans un acte du 20 janvier 1590, il est intitulé Ueutenant pour le Roy au gouvernement de Thouars.
(3) Cette trêve était la conséquence de l'entrevue et de la réconciliation des deux rois au Plessis-lès-Tours, le 30 avril précédent, pour réunir leurs troupes contre les Ligueurs.
