avrils vers 1520 ; de Dijon

Jean de Chevigny (1), lieutenant du château de Dijon pour le vicomte de Thouars,

A celui-ci.

Des jeunes gens étant venus chasser dans les fossés du château, ils ont été fustigés et leurs chiens tués. Plainte des maire et échevins ; mais Chevigny s'est conformé aux ordres dudit vicomte, afin de sauvegarder son autorité comme gouverneur pour le roi en Bourgogne.

A MONSEIGNEUR

Monseigneur, je me recommande très humblement à vostre bonne grâce.

Monsgr, il y a cinq ou six ans que les gens de ceste ville avoient accoustumé d'eulx venir esbatre à l'entour du chasteaul, et jusques dedans les foussez, et plusieurs fois m'en suis plaint au maii'e, et aussy, Monsgr, il vous a tousjours pieu me commander et delTendre que je ne mecte personne au cliasteau ne soulFre venir aux environs ; qui est bien raison qui se fasse, car de moi je ne vouldroye faillir à faire vostre commandement en quelque manière que se soit.

Monsgr, le xvi" de ce mois vindrent ung tas de garsons, avec plusieurs chiens et faisans grant bruit, prandre ung lièvre dedans les foussés du chasteaul. Moy voyant cela ne savoie pour quelle raison c'estoit. A ceste cause feiz saillir, par le cousté de devers la ville, cinq ou six compaignons qui prindrent et m'amenèrent deux ou trois jeunes gai'sons avec leurs chiens ; et quant ilz furent dedans, je leur feiz tuer leurs chiens et à eulx feiz donner des verges, et puis leur donné congé en leur disant que s'ilz approchoient plus du chasteaul qu'ilz n'en seroient pas quictes pour le pris, (lela fait, allé compter le cas à Monsgr le gouverneur d'Orléans, qu'il vous a p!eu envoyé icy en vostre absence; despuis les maire et eschevins sont venuz devers luy à plainte. Monsgr, à ce que j'ay peu entendre, mondit sgr le gouverneur d'Orléans a remis le cas à vous, à vostre venue, dont, Monsgr, je croy qu'ilz vous en feront la plainte; mais s'il vous plaist, Monsgr, vous aurés esgard au commandement que m'avés fait de garder vostre auctorité, car d'eulx ilz vouldroient bien que le chasteau leur fust subject comme la ville, ce que je croy que n'entendes pas, et sans vostre commandement je leur donneray bien à cognoistre qu'ilz ne doyvent pas approcher de la place. Monsgr, je vous ay bien volu advertir, pour en faire vostre bon plaisir. Aussy, Monsgr, j'ay esté adverty que Monsgr le légat sera icy en briefz, et plusieurs autres seigneurs. Je ne sçay s'ilz vouldroient point venir séans avant vostre venue; se c'est vostre plaisir me manderés par ce pourteur ce qu'il

— ho —

vous plaira que je fasse, car autrement je n'y mectré ne luy ne autre.

Monsgr, je prie à Nostre Seigneur qui, Monsgr, vous doint bonne vie et longue.

Au chaslel de Dijon, ce jour Saint George.

Vostre très liucjble et très obéissant serviteur, J. DE CHEVIGNY.

Bel original signé.

(I) Fils aîné de Pierre de Choiseul et de Catherine du Plessis, héritière de la seigneurie, depuis comté, de Chevigny en Auxois, Côted'Or.