lli mai, vers 1520; de Dracy

George de La Trémoïlle, sgr de Jonvelle (1), Au même vicomte, son frère,

Prière instante d'assi.-ter aux Etats de Bourgogne, Dijon et les environs n'étant pas tranquilles. Peste à Auiun et à Châlons-sur-Saône.

A MONS^ MON FRÈRE MONS-- DE LA TRÉMOILLE, LIEUTENANT GÉNÉRAL ET GOUVERNEUR POUR LE ROY EN BOURGONGNE.

Monsieur, je me recommande à vostre bonne grâce tant humblement comme je puys.

Je vous ay escript touchant ceuîx de la ville de Dijon, touchant les portes de la ville qu'il? ouvruieiit de nuyct, dont vous ne m'avez faict response et y debvez bien penser, car ce n'est pas ung petit cas ; et vous prometz que je ne vy onque si maulvais visaiges dedans Dijon que je les voy. J'ay parlé à Mons'' le président de l'avis que j'ay treuvé en vostre lettre que m'avez derrièrement escripte, mais ce sont tous villains quant tout est dit. Il m'a dict qii'ilz le tiennent tous pour suspect, toutesfoyz il y fera tout ce qu'il pourra. J'en ay pai'lé à tout le monde. Si vous ne venez icy aux Eslatz, à grant peine fera-on le profifit du Roy ny ce que vous voulez aveques; et y

— Al —

debvez venir pour vostre honneur et pour garder le païs de murmure, et vous n'y arresterez que si peu que vousvouldrez. Des pilleries qui se font icy et des plainctes que j'en ay journellement, je ne les vous sçaroye esciipre et n'y sçaroys que faire, car tout est gasté. Si vous n'avez d'aultres garnisons que celles de vostre gouvernement, je ne sçay où l'on logera la compaignie de Mons' le connestable ne celle du s' Julles, si vous n'avez eslargissement ou que vous n'en deslogez d'aultres, si vous ne aportiez la verge d'Aaron pour diviser la Aler Piouge.

J'ay veu tous voz bastimens et y ay fait en tout du myeulx que j'ay peu; et vous prometz que Chalon (2) coslera beaucop, et que n'y besongnera de heure à heui-e il sera bien malaysé, car la rivière, quand elle croistra, en défiera autant que l'on enfera, si l'on ny besongne à diligence et si l'on n'a argent pour ce faire. Le bailly de Dijon s'en va en court lequel, je vous prometz, a fait tour d'homme de bien et d'homme qui s'entend au mestier, car il avoit amassé deux mille hommes et deux ou trois cens cbévaulx, et vouldroye que tout le monde eust faict comme luy; et m'a dit qu'il est vostre humble serviteur, prest à faire ce qu'il vous plaira luy commander. J'ay faict et fays du myeulx que je puys, et vous prometz que je n'espargne ne la bourse, ne le corps en toutes les choses que je voy qui touchent l'honneur et proffit du Roy. Je n'ay père ny amy que vous qui me soustienne, car vous estes mon père et mon frère; car je ne voy homme qui parle pour moy que vous, ne qui me face fere bien que vous, dont je vous mercye; mais tout ce que j'ay est à vous, par ma fuy, à en faire tout ainsi que vous vouldrez.

Je m'en suis venu à Dracy, pour ce qu'il y a eu dangier de peste à Ostun (3) et en mon village, pour faire desloger ma femme et mon mesnage et pour m'en aller en l'Auxois; et me semble que j'ay assez tenu siège, mais je n'arresteray que iiii ou cinq jours (jue je ne soye de retour k Dijon et y seray plus tost que vous ne m'escriprez. Ma femme et vostre nyepce se recommandent très humblement à vostre bonne grâce et n'ont père que vous. Je ne me mélancolieray de rien et ne m'en chault de rien ; et yray tousjours la teste droite et feray ce que

debvray, et advienne ce que pourra. Mons% si voulez quelque autre chose, mandez et je le feiay comme pour moy mesmes, car je y suys tenu, mais je vous prometz qu'il me tarde bien que je ne vous voy.

Mons"^ de Roiney s'en est aussi allé à sa maison pour un tel vacarme [comme] moy; et jamés Dijon ne fust si sain qu'il est, mais à Chalons l'on se commence bien fort à mourir, et mesmement auprès de là où l'on faict besongner. Je y ay pourveu du myeulx que j'ay peu, par ordonnance que j'ay faicte aux eschevins et officiers du Roy. Le bailly m'en escripvit encores hier, auquel j'ay envoyé toute puissance pour contraindre les rebelles. Or regardez la peine où je suis. Si vous pouviez faire que j'eusse Rouvre {!i), vous m'auriez fait le plus beau chefd'œuvre que jamés homme fit et le plus grant plaisir, et me contenteroye de tout.

Et sur ce je prye Dieu vous donner la bonne vye et longue que je vouldroye pour moy.

De Dracy, ce xmi' jour de may.

Vostre humble et obéissant frère,

G. DE LA TRÉMOILLE

(1) Troisième fils de Louis I" de La TrémoïUe et de Marguerite d' Amboise, marié le 8 février 1 508 à Madeleine d' Azay, dont Jacqueline de LaTrémoïlle, dame de Boisy. Voir une lettre de celle-ci, n» 89.

(2) Aujourd'hui chef-lieu du département de Saône-et-Loire.

(3) Dracy-Saint-Loup et Autun, même département.

(4) Près de Dijon.