POUR LE ROY EN PIGARDYE

Monseigneur, j'ay envoyé des espies par les champs, et à ce mallin en sont revenus deux, qui dient que les ennemis repassèrent hier la rivière. Touttesfois j'ay eu ung des gens de mons' de Montmor qui vous aportoit unes lettres que je vous envoyé, qui dit qu'il estoit passé ung nombre de clievaulx et qu'ilz avoient couru jusques k Lihon (*2). Et pour ce, Monsgr, qu'il demandoit estre despesché soudaynement, j'ay ouvert voz lettres et l'ay renvoyé et dit l'ordre que vous avez donné pour la provision de Péronne, et est parly ceste nuyct mons' de Fontaines pour soy y en aller. Quant a Haplincourt, je ne sçay là où il est, et touchant Gapannes, il dit qu'il n'a point de gens ; et me semble, Monsgr, que vous feriez bien de lui en esciipre quelque lettre, car ces deus bendes là que vous y avés ordonné n'y sont pas allées. Monsgr, il me semble qu'il seroit bon que envoyissez quérir la bende de Monsgr de Lorayne , et aussy que feissez marcher celle de Monsgr de Vendosme ; et sy me semble que vous porriés bien tirer une enseigne de mons' de Sarcus et une aultre de mons' de Neufville pour vous aider en la bende de mons' de Vervins : car veu que l'ennemy les eslongne de sy loings, je croy qu'ilz n'auront pas affaire là , et croy que Mons' Du Biez sera bien adverti de bonne heure s'il se faisoit de nouveau quelque amas, fust d'Anglois ou autres. Monsgr, j' avons à ce matin, oy les deux coups de canon qu'ilz sont acoustumés tirer à leur deslogement. Touttesfois je n'ay point encores de nouvelles qu'ilz soient deslogiés ; mais tout à ceste heure ung de mes espies m'a dit qu'ilz sont délibérés d'aller à Péronne et à Saint-Quentin et qu'ilz ne passeront point la ryvière. IMonsgr, il vous plaira envoyer au cappilaine René vostre commission pour lever ses frans archiers, et le plus tost le meilleur ; et moy commander voz bons plaisirs pour les accomplir à mon povoir, à l'aide de Nostre Seigneur auquel

— hU —

je supplie, Monsgr, vous donner très bonne vie et longue. De Corbie, ce xxi" jour d'octobre (3).

Vostre humble et obéissant cousin et serviteur,

ANTHOINE DE GREQUY.

Olographe.

(1) Dit le Hardy, sgr de Pontdormy, bailli d'Amiens en 1515, etc.; tué au siège d'Hesdin en 1521 ; selon le P, Anselme, t. "vi, p. 783. D'après Martin du Bellay (Mémoires Michaud, t. v, p. 147), Antoine de Gréquy se trouvait en Italie au moment du siège d'Hesdin et le roi nomma pour gouverneur de cette ville Oudard du Biez, alors lieutenant du sgr de Pontdormy et qui devint plus tard maréchal de France.

(2) Lihons-en-Santerre, département de la Somme, ainsi que les localités dont les noms suivent.

(3) Au dos de la lettre est écrite la date de 1520.