A MADAMOYSELLE MA SEUR, MADAMOYSELLE BRABANT DE NASSAU

Madamoyselle ma chère seur, j' usent été certe bien en paine si ce n'ust esté que pensois bien que vous retarderé à nous mender de vos nouvelle jusques au retour de Monsieur Tondorf (3), qui m'a esté fort agréable pour avoir entendu par luy bien anpelment de vos nouvelle. Il m'a faict acroitre infiniment l'envie que j'ay de vous voir ; il m'a dict que vous este devenue si grande, si belle qu'il ne vous a presque point reconue. J'ay esté aussi bien ayse, chère seur, de se que je vois que vous n'avez point oublié vostre pauver seur Amelin, qui ne sauroit esprimer l'amitiez qu'elle vous porte. Je vous remercie aussi des bons offre que me faite et ne doute pas à vos bonnes volontez, les quelles me faites bien paroitre. Monsieur Dondorf m'a aussi dit qu'il a lécé la unne petite malle et que me ferez ce bien de m' avoir le patron de vos menches, comme aussi vous me le mendé, et que vous m' en voirez un menchon, que je vous prie croire, chère seur, tienderay infinyment cher, principalement venent d'une personne que je chérit et honore tent. Madame {h) m'a aussi fait cest honneur de ni'envoier de si beau pendans d'oreille, que j'aime extrèment. Elle a aussi envoie de si jolis petite fleurs au deus petite princese (5) c'ont diroit que l'énée cest bien qui viennent de si bonne main, car elle

l'aime tant que quent on luy donne elle est jalouse quent on ly touche, et ne veut pas rendre et trote si joliment que set ung plaisir de la voir. Ils se porte tous deux fort bien, sinon que l'ené fait des dents, qui est cause qu'ele se porte mal. Je ne doute nulement que vous ne désiré bien de la voir. Plût à Dieu, chère seur, que nous pusions estre bientost ensemble. Vous me mendez bien que vous l'epérez mais vostre espérance n'est pas encore venu à fin; je voudrois que ce fust bientost. Asurer vous, chère seur, que rien ne poura diminuer l'afaiction que je vous porte et que portera, chère seur, jusque au tombeau vostre humble et obéissante seur à vous faire service,