A MADAMOYSELLE D'ORANGE

Pardonnes moy, Madamoiselle, si j'ay dit c'avez tort de pernietre à l'apsance d'étaindre le souvenir d'une créature qui vous honore et estime avecque une si forte pasion comme je fais; et croy qu'il n'y a âme au monde qui puisse atandre avecque plus de pasiance et de persévérance d'affection res-

ponce de son chevalier que moy, qui vous ay écrit deux ou trois fois, par la voye que m'avez enseygnée, sans en avoir de nouvelles. Voylà commant je ne puis vivre contante, estant incertaine de la concervasion de voz belles et bonnes grasses, dont il vous avoit pieu ui'asseurer au parti de ce lieu, qui est à cest heure acés agréable, ayant l'honneur d'y voira Monsieur de Monpansier (3)- Toutes fois et ({uante qu'il va et vient à l'armée, nous passons les nuicts à dancer. Madame ma mère a faict aussi un véage à Rouen, où, cepandant qu'elle estoit à sohsiter ces juges, nous mangions forces confitures. 11 y eut un coureman de bague où Monsieur de Monpansier fist paroistre avoir de l'heur et de l'adresse, car il le l'anporta. Tous ces subgets ne se sont point passés, mon chevalier, que ne vous y aye souétée, pour partisiper à la joye que je y é reseue et pour esayer de vous témoingner en quelque occasion bien digne comme je suis plus à vous c'a moy mesmes. Sur cette vérité, je vous besse bien humblemant les mains.