A MONSIEUR DE LA. TRIMOUILLE , DUC DE THOUARS

Monsieur, nous avons pris ung singulier plaisir de ce qu'il vous a pieu nous tesmoigner, par le contenu de voz lettres, la continuation de vostre bonne affection envers cest estât, de laquelle vous remercions bien fort, nous confians qu'elle s'accroistra de plus en plus journellement, à l'occasion mesmes de vostre alliance avec Madamoyselle de Nassau, que nous prions Dieu de faire réussir à sa gloire et vostre contentement. Et à ceste fm comme ladicte Damoyselle, heureusement en bonne santé, va avec Madame la princesse d'Orange, sa belle mère, et Monsieur le conte Henry, son frère, auprès de vous; croyez, Monsieur, qu'apporterons tousjours de nostre part tout ce qui pourra servir à vous faire voir de mesme combien nous aggréons ladicte alliance et désirons à vous complaire. Au demœurant avons esté fort ayses d'entendre la satisfaction que Messieurs de l'Assemblée de Chastelleraut ont eue du Roy sur les points de leurs doléances; espérans que l'effect ensuivra à leur entier contentement et advancement de la cause commune, comme nous désirons de tout nostre cœur, sur ce supplions le Créateur, Monsieur, qu'il vous octroyé, en santé longue et heureuse vie.

De la Haye, le xx' de décembre 1597.

Egmont, v. v.

Voz bien affectionnez amis,