A MONSIEUR DE LA TRIMOUGLIE . DUC ET PAIR DE FRANCE

Monsieur, je me fusse monstre bien mal discret si, par le sieur de La Forest, je n'eusse fait responce à la lettre de laquelle vous m'aviez honoré, si à son retour de France il eust fait tant soit peu de séjour à Flessinghes (2), où pour lors il me trouva; mais il fist bien mieux de ne hasarder un beau vent, qui ne sont pas toujours à recouvrir icy, comme à son grand regret. Monsieur Cbauveau (3) a trouvé. Je suis aussi si inutile que pour le présent me lettres ne vous sçauront apporter autre chose, sinon mes professions que je me reconnoistrerai durant ma vie vostre très obligé, et estimeray à très grand heur de pouvoyr avoyr place aux bonnes grâces d'un seigneur de vostre mérite; et en toutes occasions où vous oriez besoing d'un serviteur, tiendray a lionneur de vous pouvoyr obéyr. Et encores que j'eusse quelque bon sujet d'escrire, ce ne seroit à ceste heure que je m'en voudrois servir, connoissant trop bien que les relations que vous fera Monsieur Chauveau doivent estre préférées à tout autre discours qui se pourroit oiTrir. Je finiray donc la présente en vous souhaitant, comme celuy qui vous honore, de toutes mes affections, brieve et parfaite jouissance de ce que vous désirez, et que vos contentement puissent durer aussi longs que jamais a duré aucun, puisque le sujet de vostre contentement ne doit céder à aucun quy ait esté. Et a moy, Monsieur, je souhaiz le bien d' estre tenu en voz grâces, et en vous baisant les mains demeureray vostre humble et très affectioné serviteur,