septembre, vers 1523; de Péronne

Jean d'Humières (1), gouverneur de ladite ville,

Au vicomte de Thouars.

Inutilité de l'arrière-ban. Nécessité de faire les montres à Péronne, pour retenir les soldats. Nouvelles de la guerre. La peste vient d'éclater.

A MONSEIGNEUR DE LA TRÉMOTLLE , LIEUTENANT GÉNÉRAL POUR LE ROY EN PICARDIE.

Monseigneur, j'ay veu ce qu'il vous a pieu m'escripre; et quant à la responce que m'ont fait les geniilzbonuues de ce gouvernement subgectz à l'arrière-ban, je escriptz à Madame (2) telle qu'ilz me l'ont fait. S'il vous pîest l'enveroiz par la première poste qui yra vers madicte dame. Aussi , Monsgr, vous m'escripvez que m'avez ordonné mectre en ceste ville ledit arrière-ban: je n'en ay riens veu. J'entens que la pluspart de ceulx qui y sont subgectz et pour faire service se mectent chascun jour es bendes des gens de pied , que faictes lever, pour estre exemps audit arrière-ban, par quoy je n'espère en tirer grant service. Il vous plaira en ordonner vostre bon plaisir, et si vous entendez que ceulx qui se sont mis èsdictes bendes de gens de pied soient exemps dudit service.

Monsgr, j'ay fait venir tous ceulx de ma compaignieen ceste ville et les y tiens, leur promectant que la monstre se fera dedens huit jours. Je vous advise, Monsgr, que si elle ne se

fait bien tost, qu'il ne m'est possible les plus tenir, et s'en yront trestous et me faudra ycy clemourer tout seul; et n'y sauroie mectre ordre, car je leur ay baillé si peu d'argent que j'avoie. Jecroy, Monsgr, que vous entendez bien que de ma personne je y feray ce que je pourray. J'ay touz les jours nouvelles qu'ilz ont quelque entreprise sur aucunes villes de ce Cartier ycy; si je demeure seul, vous povez entendre que la garde ne sera pas grande ny la seuretié de ceste ville.

Je avoie prié à Mons' Des Cartz (3) vous remonstrer que tous ceulx de ceste ville s'en partoient, poar cause de la peste, et que je ne trouvoie plus personne pour faire guet et porte, si n'estoit si peu de gens que j'avoie; par quoy il vous plaira, Monsgr, ordonner à faire faire noz monstres, et aussi faire paier cent ou deux cens hommes de pied pour ung mois , pour faire faire guet durant ceste peste, qui ne sera grant despence pour le Roy. Mons' de La Tour (l\) est allé devers vous. Je croy que luy aurez ordonné ce qu'il vous plest qu'il face; j'ay aussi Myranmont, qui a quelque gens prestz pour faire ce qu'il vous plaira luy ordonner.

Monsgr, quant aux nouvelles de ce cartier, c'est que toutes les garnisons du Quesnoy, Boucliain et Arras ne bougent; et estoit hier le conte d'Espinoy (o) à Arras, pour lever trois cens chevaulx pour mener au camp, à ce que j'ay entendu ; il ne les aura presiz de ce premier mois. Ilzdient prou, mais jenecuide pas qu'ilz le facent. Je vous envoyé ung advertissement que j'ay eu depuis trois ou quatre jours. J'en ay de tous costez, mais j'en trouve de mensongers, par quoy je ne vous en oze riens mander. Monsgr, je vous mercye très humblement de ce qu'il vous a pieu me départir des nouvelles d'Itallie. Je prie Dieu qu'il donne au Roy aussi bien exécuter son entreprise que le désirons; cella seroit cause de faire parler à noz ennemys autre langaige qu'ilz ne font. Monsgr, il n'est bruict que des renchoniiemens et pillaiges que font les gens de pied qui sont en ce sauters; si les cappitaines y estoient en personne, je croy qu'ilz y pourroient mectre ordre. Monsgr, je vous escripz au long de l'affaire de ceste ville et de cartier; il vous plaira m'en ordonner et commander vostre bon plaisir comme

à cestuy qui de bon cœur vous veult obéyr. Monsgr, je prie Noslre Seigneur vous donner tousjours bonne vie et longue. A Péronne, ce xi' jour de septembre.

Vostre très humble serviteur,

HUMYERES.

Monsgr, je vous envoyé la depposicion du prisonnier dont je vous ay escript, signée de deux notaires royaiilx, comme me l'avez commandé; et ay regardé de vous envoyer le mareschal des logis de ma coinpaignie pour savoir de toutes nouvelles. Je luy ay donné charge de vous dire de l' estai de ceste ville.

Ong. signé.

(1) Depuis lieutenant général pour le roi en Dauphiné, Savoie et Piémont, l'un des gouverneurs du Dauphin; mort à Saint-Germain, en juillet 1550.

(2) Louise de Savoie, mère de François I".

(3) N. de Perusse d'Escars, lieutenant de Louis II de La Trémoïlle en Picardie, fut arrêté et emprisonné le mois suivant comme complice du connétable de Bourbon.

(4) François II de la Tour, vicomte de Turenne.

(5) François de Melun, comte d'Epinoy, l'un des capitaines de l'empereur Charles-Quint en Artois.