A MONSEIGNEUR DE LA TRIMOULLE LIEUTENANT GÉNÉRAL DU ROY EN I^IGARDIE

Monseigneur, à vostre bonne grâce très humblement nous recommandons.

Monsgr, le jour d'hier, deppuis la porte fermée, arriva ung

poste à la porte de ceste ville : pour quoy Mens' le majeur se raist à cliemin pour le aller ouvrir, comme il est de coustume, et en y allant fisL dire au poste de ceste ville qu'il envoiast l'un de ses gens, à tout ung cheval, pour porterie pacquet que avoit aporté celluy qui estoit à ladicte porte, adfm de l'expédier, et que pour le attendre ladicte porte ne demourast sy longuement ouverte ; lequel poste, quy est assez content de sa personne, res[)ondit qu'il ne bailleroit jà cheval se celuy quy estoit à ladicte porte ne venoit parler à luy en sa maison et qu'il ne veyt le pacquet qu'il portoit. Et combien que mondit sieur le majeur priast audit poste de volloir aller avec luy à ladicte porte, pour parler à celluy quy y estoit, il ne vollut ce faire , et à raison de ce y oit quelque petit débat de parolles. Et pour ce, Monsgr, que avons esté adverti que ledit poste est cejourd'huy allé devers vous et qu'il vous porroit faire quelque rapport à son advantaige, nous vous avons bien vollu escripre la vérité de tout l'affaire, vous priant que, pour l'expédicion du portement des dictz paquets, il vous plaise ordonner audit poste de cette ville, de tenir aulcuns chevaulx hors la ville, et nous luy ferons baillier bonne maison en laquelle ceulx qui ne auront que faire de entrer en la ville porront recouvrer tout ce qui leur sera neccessaire, et leur sera une grande despesche, car, Monsgr, vous porez considérer que l'ouverture desdictes portes ne se pœult aucunesfois faire sy hastivement comme nous le désirerions bien et que l'affaire le requiert. Tous ceulx qui ont accoustumé porter lesdictz pacquetzenseroient joieux, et créions qu'il n'y aura personne y contredisant que ledit poste de ceste ville.

Monsgr, il vous plaira nous commander vos bons plaisirs pour les accomplir a nostre pooir, aidant Dieu le créateur auquel nous prions vous donner, en santé, bonne et longue vye.

D'Amyens, ce xiii* de septembre.

Voz très humbles et obéissans serviteurs,

MAJEUR, PRÉVOST ET ESCHEVINS DE LA VILLE D'AMIENS. Original.

Au dos est écrit : « Lettres communes, où il y a une attestation par devant notaire. Receues le xim septembre \=xxm de Mons' de Humières.

ÛO. — 20 décembre, vers 152^ ; de Doué.

Jacques Aurain ou Avrain, châtelain dudit lieu , A l'avocat du vicomte de Thouars.

Plaintes au sujet des menées et violences du procureur de Doué (1) et de sa femme.