MOTU PROPRIO

DE INDULGENTIA ‘“PORTIUNCULAE” SEPTIMO AB INSTITU- TO FRATRUM MINORUM ORDINE SÆCULO EXPIRANTE.

Sacris solemniis ob septem ab instituto amplissimo Fratrum Minorum Ordine revoluta saecula iam ad finem feliciter vertentibus, ut tam fausti eventus iugis meruoria perseveret ac fructus , piis fidelium votis pro faciliori Portiuiculae, quam vocant, /ndulgentiae consecutione ex asinio obsecundantes, quae sequuntur, motu proprio atque ex certa scientia, suprema Nostra apostolica auctoritate statuimus ac decernimus

Firmis. scilicet, de memorata indulgentia antea quomodocumque factis, quæ nondum expiraverint, concessionibus. facultatem facimus omnibus et singulis locorum Ordinariis unam aut plures, pro rei opportunitate, in quovis pro-.

priae ditionis loco ecclesias aut publica vel semipublica oratoria designandi, ubi fideles, rite confessi et Sacra Synapsi refecti ac devote iuxta Nostram intentionem orantes, a vesperis diei primæ ad solis occasum diei secundæ mensis Augusti anni currentis, “toties quoties’”’ ea visitaverint, haud secus ac si aliquam Ordinis Minorum ecclesiam visitassent,

“Indulgentiam Plenariam ”, animabus etiam quas purgatorius ignis emundat, applicabilem, lucrari possint ac valeant.

Hanc vero eamdem Indulgentiam, iisdem sub conditionibus eademque ratione lucrifieri posse concedimus a fidelibus utriusque sexus communem vitam agentibus qui propriam ecclesiam vel, si careant, proprium domesticum oratorium, ubi SSma Eucharistia asservatur, ut supra, visitaverint.

Ne cui demum, praestantissimo hoc spirituali beneficio, ob peculiaria fortassis rerum adiuncta, fruendi copia desit, benigne indulgemus iisdem locorum Ordinariis ut ad supradictam Indulgentiam lucrandam Statuere possint tam pro in saeculo quam pro piis in communitatibus viventibus fidelibus loco diei secundae Augusti, Dominicam proxime insequentem, a vesperis Sabbati ad solis occasum ipsius Dominicae, hac tamen sub lege ut nequeat quis eadem concessione bis frui.

Optamus autem vehementer ac summopere commendamus ut in ecclesiis oratoriisve, ut supra, designatis, die ad Indulgentiam lucrandam statuta speciale: publicæ ad Deum supplicationes pro Summo Pontifice, Ministris Sanctuarii univeérsaque militanti Ecclesia peregantur ; eaque, praemissa invocatione Seraphici Patriarchæ ac Litaniis Sanctorun. Benedictione Eucharistica absolvantur.

Ita volumus, decernimus, sancimus, mandates, ad quos spectat ut ad fidelium notitiam haec omnia tempestive deducenda curent. Praesentibus hoc anno et occasione tantum valituris. Contraiis quibuscumque, etiam speciali mentione dignis, non obstantibus.

Datum Romae apud S. Petrum, die 9 Tunii 1910, Pontificatus Nostri anno septimo.