S. CONG. S. OFFICII

(SECTIO INDULGENTIARUM) DECRETUM.

Portiunculac, quam vocant,/ndulgentiae lucrandae redeunte iam die, innumerae propemodum Apostolicae Sedi preces undequaque gentium oblatae sunt aliaeque offrendae praevidentur tum ad iam obtentarum hac in re concessionum prorogationem tum. ad novarum elargitionem impetrandam. Cum igitur Supremae huius Sacrae Congregationis Sancti Officii, cui Indulgentiarum moderandarum munus incumbit, mens sit certas ac fixas super praestanissimo huiusmodi spirituali favore normas praestituere, ne forte alicubi fideles, dum hae parantur, eo fraudari contingat, Emi ac Rmi DD. Cardinales Inquisitores Generales in plenario conventu habito, feria IV, die 24 huius mensis generali Decreto, usque ad novam dispositionem valituro, statuendum censuerunt

1. Omnes et singulae tam pro fidelibus in saeculo viventibus quam pro piis communitatibus antea a Sancta Sede factae et iam nunc expiratae vel in posterum expiraturae de Portiunculae Indulgentia concessiones prorogatae habeantur sine die, firmis, quoad cetera, clausulis et conditionibus præcedentis Indulti habitaque ratione, quoad utile sacris visitationibus paragendis tempus, novissimi huius eiusdem Supremae Sacrae Congregationis Decreti, diei 26 Ianuarii anni currentis.