HENRI III

Noz très chers et (jrans amys et rnnfederez les duc et seigneurie de yeiiise.

Très chers et graadz amys alliez et coafederez. Ayant reconnu l'equicte de la poursuicte du prince de Mouldavye que nous avons fait chevallier de notre ordre meuz de pitié et compassion du misérable estât auquel il se trouve reduict, nous avons commande au s"" de Vansy conseiller en nos conseil d'estat et prive de lacompaigner en son voiaige et lassister par lintervention de notre nom a landroict du grand Seigneur a ce quil se dispose a le remectre et réintégrer en ses estatz. Au moien de quoy sacheminent présentement par délia, nous vous en avons bien volleu donner advix et vous prier de voulloir favoriser le passaige dud. prince et dud. s"" de Vausy de toute la facilite et courtoisie dont ilz auront besoing et nestant la présente pour aultre eflfaict nous prions Dieu très chers et grandz amys alliez et confederez quil vous ayt en sa tressaincte et digne garde. Escript à Chartres le XXIIPjour daoust 1588.

HENRY

BKULART.

Autre sur le même sujet :

Très chers et grandz amys alliez et confederez. Le prince de Moldavie ch'" de notre ordre se trouvant destitué de ses estatz puis quelques années en ça auroit recherche plusieurs moiens dy pouvoir estre restably et se seroit adresse à nous comme a son refuge plus asseuré pour luy départir notre support et appuy en ceste occasion. Ce que nayant voulu luy denier nous vous avons cy devant escript en sa recommandacion affin destre aide et secouru de vostre part en sa poursuicte pour

daultant plus luy préparer la voye d'y paryenir. Mais il nous a faict entendre que ses ennemis voullant destourner l'effect de la bonne volonté dont vous avez accoustumé d'embrasser ce qui vous est recommande de notre part auroient malicieusement faict semer envers vous une oppinion que le tiltre quil prend de lad. principauté est parluy faussement suppose et daultant que nous navons prins sa protection que sur le tesmoigiiage qtii nous a este donne de la justice de sa cause que navons occasion d'en doubler nous vous avons bien voulu réitérer la mesme recommandacion que vous avons ja faicte pour luy et vous prier comme nous faisons très affectueusement luy en départir si avant votre faveur et assistance quil puisse cognoistre navoir en vain son recours a notre crédit et moien envers vous ny les calumnies de ses ennemis la force de vous divertir en son particuUier des offices dhumanite que vous avez acconstume de rendre a ceulx qui sont non seulement de sa qualité mais encore de moindre considéracion. Ce qui vous tournera a gloire et honneur et a nous a singulier plaisir et contentement. Priant Dieu très cbers et grandz amys alliez et confederez quil vous ayt en sa sainte garde. Escript a Tours le XI jour de mars

HENRY