FÉVRIER

HENRY, etc., à tous, etc., salut : Savoir faisons , coine en nre joieuse conqueste et entrée faicte en nre ville de Rouen et païs de Normeudie, et affin de garder le prouffit de nous et de nre peuple et ycelui entretenir en paix, nous eussons ordonné et comandé, par bonne et meure deliberacion de Conseil, faire en nre Monoie au dit lieu de Rouen et en noz autres Monoies de nre dit païs de Normendie groz només royaulx, de XX d. t” pièche, tout par la fourme et manière que l’en les faisoit ouparavant de nre dicte conqueste el entrée, Lant en poys que en lay, sans diminucion ne accressement faire sur ce ; et depuis y aions fait faire et mettre ane petite difference ou enseigne es coings; et il nous avisy que, par que nadguères il estoit et unquore est venu à nre congnoissance que, en nre dicte ville et païs de Normendie et ailleurs à nre obéissance, ont estié apportés grant quantité de monoies en groz de plusieurs païs non suggéz ou obéissans à nous, tant des parties de France, de Bretaigne que daïlleurs, lesquielx groz sont de semblables congs ou environ que ceulx que l’en faisoit à nre dicte ville de Rouen au devant de notre dicte entrée et conqueste, maiz sont de mendre pois et lay que ceulx que nous faisons faire ; et soubz umbre de ce quilz estoient et sont presque semblables , ant eu et ont cours en nre dit païs ; et par ce ont acreu et emporté nre dicte monoye ceulx qui ainsy ont apporté iceulx autres groz, en quoy nous et nre peuple avons esté et soinmes graudement deceus: NOUS, pour obvier ad ce, y aions ordonné par noz lettres paten-

tes faire groz de XX d. t‘ pieche, esquelx aura en la pille JET fleurs de lis et es costés IT lieppars tenans icelles III fleurs de lis, et ou costé de la croix, ou parmy d’icelle, une H. avec certaines differences, et aussy quars de groz, mansais et petis deniers selon leur cours sur ce par nous ordonnés ; SAVOIR FAISONS que maintenant et confermant notre dicte derraine ordonnance, et pour certaines causes ad ce nous mouvans, par l’advis et déliberacion de notre grant Conseil, nous avons voullu et ordonné, voullons et ordonnons, par ces présentes, notre dicte monoye de groz, quars de groz , mansais et deniers , par nous desrenièrement ordonnés estre faiz, avoir cours par tout nre dit pais et lieus submis et suggés à nous, et mesmes noz aultres monoies faictes ou précedent marques ou faictes selon noz coings autrefoys fays, et ne voullons autre monoye de groz ne autres d'argent faites dautres congs que les noz avoir (cours) ne estre prinses par noz suggéz depuis le premier jour de may prouchain venant, de deins lequel temps nous avons donné congié et donnons par ces présentes à ceulx qui auront d’icelle monoye non faicte en noz congs d’eulx en délivrer et meurtre où ilz verront que bon sera, et, ycelui jour venu , deffendons ycelle monoye estre mise ne avoir cours sur paine de forfaiture. SY DONNONS EN MANDEMENT, @lC. Donné à notre chastel de Rouen, le Ie jour de fevrier. — PATENTES NORMANNIÆ anni seplimi Henrici V, parte ©, membranà 24, dorso. — RymEr, édit. de 1729 ,t. IX , p. 860.