JANVIER

DE orriciis MONETE DATIS SaINT-Lo.— HENRY, etc. à tous, etc. salut : Savoir faisons que, pour ce que de notre droit et autorité royal il nous loist et appartienne que en nre primère entrée et joiueux avénement à nre bonne ville de Saint-Lô, où nous sommes nouvellement entrés pour la première foys, de créer et mettre certains nombles de personnes monoyers à leurs vies seullement à ure Monoye du dit lieu de Saint Lo, lesquielx doivent joir de semblables droitures et franchises que les autres monoyers, leurs dictes vies durans, Nous, suffisamment informés de l’abilité et preudomie de Grefinet Chemin, nre home liége et vray sugget, icelui avons créé, ordonné et establi monnoyer en la dicte Monoye soubz le serment de France, le cours de sa dicte vie durant, et qu’il puisse jouir des dictes franchises et libertés sans contredit. Sy donnons en mandement aux gardes, maistres, prevosiz et autres officiers de la dicte Monoye, ainsy come à chascun appartient, que , prins et resçeu du dit Grefinet le serment en tel cas acoustumé , ils le recoivent à monoyer en icelle Monoye et le seuffrent et facent joir des droiz, salaires , franchises et libertés qui ils appartiennent, car ainsy nous plaist-il estre fait de nre grâce especial et autorité royal. Et pour ce que en nre dicte Monoye de Saint Lô n'a à présent aucuvs gardes, maistres , ne prevosiz, mandons aux gardes de nre monoye de Rouen, au prevostz d'’icelle que ils recevient le dit Grefinet et lui facent faire le serment en tel cas acoustumé. Cependent, et jusques à ce que en nre monoye soit pourveu des dits gardes, maistres et prevostz, lessiez ledit Grefinet mopoier ec joir des droiz, salaires et libertés qui y appartiennent, car ainsy nous plaist-il estre fait. Donné à nre chastel de Rouen le XX° jour de janvier.

Semblables lettres ont les dessoubz cscrips , à durer pour temps avant dit, et

soubz mesme le dabte ; c'est assavoir Guillaume-le-Viconte, ouvrier de la monove soubz le serment de France, Martinot de Courcelles monoyer de la dite monove soubz le serment de l’Empire , Guillaume de Cont, orfèvre, demourant à Caen, ouvrier de la dicte monove soubz le serment de l'Empire.

PaTENTES NORMANNIÆ anni septimi Henrici V, parte 2, membranâ 40, dorso.

Défense de laisser circuler en Normandie. à partir du 4° mai 1420, autres monnaïes que celles du roi d'Angleterre, frappées pour ce

duché.