NOVEMBRE

ORDINATIO MONETE PRO REGE. — HENRY elc., au bailli de Rouen, salut. Comme pour la repparacion et relièvement de la chose publique de nre païs et duchié de Normendie et conqueste, tant pour par le moyen de justice et bonne monnoye comme autrement, eussons, en moys de janvier derrain passé, par l'advis et délibéracion de plusieurs de nostre sanc et lignage et gens de nostre grant Conseil, conclu et ordonné entre autres choses, mesmes à la requeste et supplicacion des gens des troiz Estas de nostre dit pays et duchié lors par nous mandé et assemblé à Rouen par devant

nous, que nous ferions forger certaine bonne monnoyce au poys et lay desclairé et exprimé en la présence des diz trois Estas ; et depuis nous, qui singulier désir et grant affection advons eue, si comme ancores avons, à remettre sus bonne monnoye en nos dis pays , affin que les gens d'église, nobles, bourgois, marchans et autres nos subgés, qui par la flebesche de la monnoye qui longue ment a eu cours ont esté moult apovris et très grandement diminués de leurs terres, rentes et revenues, seigneuries el chevanches (1), eussons fait forger en certains lieux de nostre dicte duchié grant quantité de fine monnoye qui devoit avoir cours pour XX deniers la pièce : et il soit ainsi que d’icelle monnove n’avons ancores voullu estre donné aucun cours pour les grans fraudes, mauvasciés et decepcions que cellui qui se dit Daulphin et ceulx de sa partie, ennemis de nostre très cher père de France et de nous, y avoient commenché à faire, qui faisaient forger aux armes de nostre très cher père de France gros de trés petite valleur en entencion de tirer et atraire par devers eulx les bons gros que faisoit faire nostre dit beaupère et nous, pour eulx enrichir de nostre bonne mouuoye et apovrir noz subgéz de la leur mauvaise, se nostre dicte monnoye fust ancores à la fourme que l’avions ordonné. Maiz pour obvier pour le présent à leur malice et pour veiour néantmoins à la chose publique de nostre pays Normendie et conqueste (2), de monnoye de pareille valleur sur icellui mesmes pié et à l’équipolent de la monnoye dessus dicte , affin que les gens d'église aient mieulx de quoy vivre et vaquer au service divin, les nobles nous puissent plus aisiement servir et soustenir leurs estas , et que marchandise et autres fais de touz noz subgés se puissent mieulx conduire , avons nouvellement pris grant advis et, meures déliberaciou eue, ordonné estre faicte en noz monnoyes plusieurs sommes de deniers tant d’or que d'argent, c'est à savoir, deniers d’or fin appelés SALUS , qui auront cours pour XXV s. tournois la pièce ; DEMIS S4- LUS, qui auront cours pour XII Ss. VI d. la pièce ; deniers blancz appellés DOUBLES qui auront cours pour IT d. tournois la pièce , et

(1) I] y a ici une lacune dans le texte.

(2 11 parait y avoir ici une lacune dans le texte.

petis deniers blancs qui auront cours pour un denier la pièce. Et avec ce avons ordonné et ordonnons que les escus d'or que derrainement nostre dit beau-père a fait faire et forger en ses monnoyes auront cours pour XXII s. VI d. tournois la pièce, et les moutons, derrainement fais es monnoyes de nostre dit beau-père et nostres, pour XV s. t: la pièce, et les nobles d'or fin que faisons faire en nostre pays d'Angleterre auront cours pour XLV s. t° la pièce, les demis nobles pour XXII s. VI d. tournois , et les quars de nobles pour XI s. III d. t:. Et les gros qui ont esté fais es monnoyes de l'obéissance de nostre beau père et de nous, et qui jà longuement ont eu cours pour XX d. t’ la pièce, et qui depuis peu de tems ença ont esté ravalléz à V d. tournois, n'auront cours à compter du jour de la publicacion de ces présentes que pour IT d. maille tournois la pièce. Et oultre voullons et avons ordonné que nul, en quelque condicion ou estat qu’il soit, ne porte ou face porter nul villon tant d’or que d'argent ne argent rompu hors des mettes de noz monnoyes sur paine de le perdre et le courps en nostre volenté. Item que nul changeur ou orfèvre ne aultres quelx qu'ils soient, sur la dite paine, soient si hardis de vendre ou acheter le marc d'or ou d'argent, en masse ne en monnoye, plus hault ne greigneur pris que nous faisons donner en noz monnoyes se il ne porte fachon (1). Et aussi qu’ilz ne tiennent, gardent ne fondent nulz villons tant d'or que d'argent, mais le portent en l'ostel de nostre proche monnoye pour yllec estre fondu et ouvré au prouffit de nous et de nostre pleupe ( peuple ) dedens XV'°< à ceulx qui s’entremettent de fait de change, et aux orfévres dedens VIII" sur paine de la perdre. Îlem que nul, de quelque estat ou condicion qu'il soit, ne soit si hardi sur les dites paines de faire fait d’eschange (2) s'ilz n'ont pour ce noz lettres et selles de nos généraux-maistres de noz monnoÿyes faictes depuis ceste présente ordonnance. Pour quoy nous, qui, pour l'évident prouffit de toute la chose publique de nostre dit pays, voullons ceste présente ordonnance estre mise à exécucion et gardée sans enfraindre par nos subgéz, vous man-

(tj C'est-à-dire , s’il n'est ouvragé. (2; C'est-à-dire , de faire le change.

dons , commandons et enjoingnons expressement , en commettant se mestier est, que ceste nostre dite ordonnance vous fesés crier et publier solempnelment es mettes de vostre dit bailliage, par toux les lieux où l'en a accoustumé de fere cris et publicacions, en la faisant garder et entretenir par tous noz subgés de quelque estat, dignité ou condicion qu'ilz soient, sans venir ne souffrir estre venu au contraire, en pugnissant viguereusement el sans deport, ainsi qu'il appartendra pour raison, tous ceux qui l’enfraindront en quelque manère que ce soit. De ce faire vous donons povoir, auctorité et mandement especial, mandons et commandons à tous noz justiciers , officiers et subgiés que à vous et à vos commis et deputés en ceste partie obéissent et entendent diligeanment, et vous prestent el donnent conseil , confort et aide, se mestier est et par vous requis en sont. Donné à Rouen, le derrain jour de novembre.

Semblables lettres sont adressées à tous les baillis de Normandie.

PaTENTES NORMANNIEÆ anni noni Henrici V, membranâ 17, dorso.

Création de douze nouveaux monnayeurs à vie dans les Monnaies de Normandie.

20 sUILLET 1422.

DE OPERARIIS MONETARUM CONSTITUTIS.— TENRY elc., à nos amés et féaulx les généraulx-maistres de nos monnoyes, salut et dilection. Comme pour la grant nécessité qu'il est de présent d'avoir ouvriers et monnoyers en noz dictes monnoyes, attendu les mutacions de noz monnoyes qui puis naguères ont eu cours, et le grant besoing que noz subgéz ont de la nouvelle monnove, que pour le bien publique de nostre scignourie et de eulx faisons faire de présent, laquelle monnoye n’est encores si publyée comme mestier est, veues aussi les grans charges de matières de villon qui y sont présentement, et espérons qu’il sayÿe encorcs plus dores en avant (1), vous eussions naguéres mandé, commandé et enjoinil par noz autres lettres patentes pourvucoir en ce par toutes les

4; La lecture des mots présentement et sane est douteuse.

meilleurs voyes et manières que faire pourriez , eu recepvant ou faisant recepvoir des gens de lingne de monnoye jusques à la tierce, quarte et quincte généracion; et il soit ainsi que d’iceulx de lingne de monnoye n'ayez pas trouvé en tel nombre que suffire doye pour fournir le dit ouvraige comme nous avons entendu, en quoy nous et nostre peuple sommes grandement préjudiciéz et endommagéz , et plus pourrions estre se pourveu n’y estoil : pour ce est-il que nous, ces choses considérées, qui voullons le dit ouvrage estre hasté et avanchié pour le prouffit de nous et de nostre peuple le plus dilligenment que faire se pourra, avons, par l’advis et délibéracion de nostre Conseil et de vous, généraulx-maistres de noz monnoyes, ordonné estre créées de par nous es dictes monnoyes, soubz le serment de France, douze personnes habilles et suffisans qu’ilz puissent continuer le dit ouvrage et nous servir en ce ainsi qu'il appartient. Et pour les bon rapport et tesmoignage qui par vous nous ont esté faiz de la personne de Jehan du Val, ycellui avons créé, ordonné , constitué, créons, ordonnons et constituons l'un d'iceulx douze, par ces mesmes présentes, ouvrier en noz dictes monnoyes on dit serment, sa vie durant seullement, etc. — Donné en nostre ville de Rouen, le XX° jour de juillet. — ParenTEs NORMANNIÆ anni decimi Henrici V, membranà 12, dorso.

Vidimus de lettres patentes de Charles, Dauphin, en date du 9 octobre 1420, portant établissement d'un hôtel des monnaies au Mont- Saint-Michei, et de l’exécutoire rendu par les commissaires des finances et les généraux-maîtres des monnaies (1).