NOVEMBRE

À touz ceulx qui ces présentes lettres verront, la garde du seel

4; Je dois la communication de ce document et des suivants à la bienveillante amitié de M. de Gerville, de Valognes, qui les possède, et à l’obligeance de M. Dubosc, archiviste du département de la Manche, qui a bien voulu les transcrire pour moi.

royal establi et dont l’en use aux contrax à Tours et es ressors et exempcions de Touraine, d'Anjou, du Maine et de Poictou, salut. Savoir faisons que nous avons aujourduy veu , tenu et leu de mot à mot unes lettres patentes seellées du seel de monseignour le régent le royaume, Daulphin de Viennois, en queue double et cire jaune , saines et entiers en scel et escripture, desquelles la teneur s'ensuit. C8ARLES , fils du roy de France, régent le royaume , Daulphin de Viennoys, duc de Berry, de Touraine et conte de Poictou, à tous ceulx qui ces présentes lettres verront, salut. Savoir faisons que, considérans les très grans charges que avons à supporter pour la deffense et recouvrement de la seignourie de monseignour et de nous, la nécessité qui est d’avoir pour ce finance et d’augmenter el acroistre les revenues et esmolumens de mon dit seignour et de nous, et aussi considérans la grant loyaulté, bonne et vraye obbéissance en quoy ont touzjours esté et seront au plaisir de nosire seignour, envers mon dit seignour et nous, les manans et habitans de la ville du Mont-Saint-Michel, voulans, en recognaissant les grans plaisirs et services que les diz manans et habitans ont fait et font chascun jour à mon dit seignour et à nous, augmenter et croistre en biens et proufñfit icelle ville, Nous, par grant et meure délibéracion des gens du grant Conseil de mon dit seignour et de nous , avons voulu et ordonné , et par ces présentes voulons et ordonnons une monnoye estre faicte et constitué et icelle constituons en la dicte ville du Mont-Saint-Michel pour y faire ouvrer et monnoyer tout ouvrage tant d'or comme d'argent, en faisant telles et semblables monnoyes que mon dit seignour fait faire à présent en poix, cours et aloy , tant d’or comme d'argent. Si donnons en maudement par ces mêmes présentes à nos améz et féaulx conseilliers , les commissaires par nous ordonnéz sur le fait et gouvernement de toutes finances tant en langue d'oil comme en langue d'oc et généraulx-maistres des monnoyes , que la dicte monunoye ils mectent ou facent mectre sus en lieu et hostel convenable de la dicte ville du Mont-Saint-Michel , et y facent faire les fournaises , habitacions et édifices nécessaires ad ce et icelle baillent ou facent bailler à ferme, ainsi qu'il est acoustumé et quilz verront estre à faire pour nostre prouflit, et y facent venir des ouvriers et mon-

noyers , et aussi y facent apporter billon d'or et d'argent de tous marchans, changeurs et autres demourans plus préz de nostre dicte ville du Mont-Saint-Michel que d'autre monnoye , en les contraignant par toutes les voyes el manières deues et raisonnables, en telle manière que la dicte monnoye soit fournie competanment ; et nostre présente ordonnance facent signiffier et publier en telle manière que aucun n’en pretende ignorance. En tesimoing de ce, nous avous fait metlre nostre séel à ces présentes , données à Meun-sur-Yevre , le {X° jour d'octobre, l'an de grace mil CCCC et vingt. Ainsi signé, par monseignour le régent Daulphin en son Conseil , ou quel l’arcevesque de Bourges, les sires de Belleville et de Salamer, le chancelier d'Orléans, le bailli de Touraine et autres plusieurs estoient. (Signé) J. LEPICART.

Ausquelles lettres dessus transcriptes est atachée une lettre de messeignours les commissaires ordonnéz sur le fait et gouvernement de toutes finances, tant en langue d’oil comme en langue d'oc, par mon dit seignour le régent, et des généraulx-maistres des monnoyes du roy nosire dit sire et de mon dit seignour le régent soubz l’un de leurs signéz, de laquelle la teneur est telle. Nous, les commissaires ordonnéz sur le fait et gouvernement de toutes finances tant en langue d'oil comme en langue d’oc par monseignour le régent le royaume et Daulphia de Viennois, et les généraulx-maistres des monnayes du roy nosire sire et de mon dit seignour le régent, veues les lettres de mon dit seignour le régent et Daulphin, ausquelles ces présentes sont attachées soubz l’un de nos signéz, par lesquelles mon dit seignour le régent a volu et ordonné une mounoye estre faicte et constituée en la ville du Mont- Saint-Michel , voulons, sommes d’accort et consentons que la dicte monnoye soit faicte et constituée au dit lieu du Mont-Saint-Michel, pour les causes, et tout par la furme et manière que mon dit seignour le régent et Daulphin le vieult et mande par ses dictes lettres. Donné à Bourges le XIe jour de novembre l'an mil III et vingt. Ainsi signé J. CnastTeniEr. Donné à Tours, par manière de vidimus, soubz le dit scel royal establi aux diz contrax à Tours le sezciesme jour du moys de novembre, l’an de grace mil quatre

cent et vingt. — D'après le vidimus appartenant a M. de Gerville, correspondant de l’Institut, & Valognes (1).

Charles VIT donne pour un an son droit de seigneuriage sur la monnaie du Mont-Saint-Michel, moitié aux chevaliers qui le défendaient, et moitié aux religieux de l’abbaye dudit lieu.