SEPTEMBRE

CHARLES, par la gräce de Dieu roy de France, aux gardes et maistre particulier de nostre Monnoye du Mont-Saint-Michiel, salut : savoir vous faisons que, pour aidier à nos très chers et bien améz les chevaliers et escuiers estans de par nous à la garde de la dicte place et aux religieux du dit lieu à supporter les grant fraiz, mises et despens qu'il leur a convenu et convient chascun jour faire en la dicte place, et pour certaines autres causes et consideracions qui à ce nous ont meu et meuvent, nous leur avons'donné et donnons, de grâce especial, par ces présentes , tout le droit de seigneuriage de nostre dicte monnoye, c’est assavoir moictié auxdiz chevaliers etescuiers et l’autre moictié aux diz religieux, pour un an commen: çant du jour de la date de ces présentes. Si vous mandons et ex: pressement commandons à chascun de vous que ausdiz chevaliers, escuiers et religieux ou à leur certain mandement vous bailliez et delivrez tout le droit de nostre seigneuriage de la dicte monnoye, par la manière que dit est, et par rapportant ces présentes et recongnoissance soufMisant sur ce. Nous voulons tout ce qui baillié et délivré leur en aura esté estre alloé es comptes et rabatu de la receple de vous maistre, et vous gardes en estre deschargiéz parout où il appartendra sans aucune difficulté ou contredit, non obstant que ces présentes ne soient aucunement vérifiées par ceulx qui ont le gouvernement de nos finances , et ordonnances , man-

(4 A l'original pend le sceau aux contrats de Tours , en partie brisé. Il offre une porte de ville surmontée d'une tour couronnée , flanquée de deux tours plus petites aussi couronnées.

PIÈCES JUSTIFICATIVES. 139 demens ou deffences quelxconques à ce contraires. Donné à Poictiers, le VITLe jour de septembre, l’an de grace mil CCCC et vingtcinq et de nostre règne le tiers.

Par le roy, ViLLEBRESME.

D'après l'original appartenant & M. de Gerrville.

Charles VII renouvelle, pour trois ans , le don de son droit de seigneuriage sur la monnaie du Mont-Saint-Michel , en faveur des capitaine, chevaliers et religieux dudit lieu.

CHARLES, par la grâce de Dieu roy de France, à tous ceulx qui ces présentes lettres verront, salut. De la partie de noz chiers et bien améz les capitaine, gens nobles et les vicaire et autres religieux du couvent , de l’église et abbaye du Mont saint Michiel, consors en ceste partie, nous a esté exposé que la dicte place et ville du Mont est assise en la mer sur la frontière de nos anciens ennemis d'Angleterre et autres leurs alliéz, et à l'occasion de ce nos diz ennemis leur ont fait, porté et mené guerre et mis devant la dicte place, par mer et par terre, siège et bastilles pour les vouloir prendre et destruire, ou comptent de ce qu’ilz ont esté tousjours et encores sont vrais et loyaulx subgiéz et obéissans à nous et à nostre couroune de France, et par ce ayent eu de moult grans pertes, charges et domaiges à souffrir, et telement que bonnement ils n’ont de quoy vivre et qu'ils ne pourroient plus supporter les dictes charges sans grant peril et dangier de la dicte place; pour laquelle chose ilz se feussent piècà traiz par devers nous, et, narracion faite de ce que dit est, enssent obtenu de nous lettres ou mois de septembre derrenier passé ou environ, par lesquelles nous leur eussions donné faculté et puissance de faire faire, au uit lieu et ville du Mont saint Michiel, monnoye à nostre coing, poys et loy, et le droit du scigneuriage

qui en ystroil convertir, c'est assavair : la moictié pour les dit capitaine et autres nobles estans et demourans en la dicte place et ville pour la garde d'icelle, et l'autre moictié aus diz religieux, vicaire et convent de la dicte abbaye pour leurs vivres et autres nécessitéz ; lesquelles nos lettres n'aient sorti aucun effect, parce que elles n'esioient aucunement vérifiées ne expediées par noz améz et féaulx les généraulx-maistres de noz monnoyes, comme il appartient en tel cas, et aussi que nul n’a voulu ou osé pren. dre la maistrise de la dicte monnoye, obstant le brief temps et terme à eulx octroyé, qui n’estoit que pour'ung an; et par ainsi le don et octroy par nous à eulx sur ce faict leur a esté et est inutile et de nulle valeur, et pour ce nous aient humblement fait supplier que, actendues ces choses el les grans charges, pertes et dommaiges qu'ilz ont eu depuis à supporter à l'occasion de nos diz ennemis, et aussi qu'ilz doubtent avoir à souffrir pour tousjours entretenir et maintenir la dicte place et ville en nostre vraye seigneurie et obéissance, nous leur vueillons de nouvel renouveller et ottroyer le dit don jusques à tel autre et si long temps qu’il nous plaira , et sur ce leur impartir nostre grâce : Pour CE EST-IL que Nous, ces choses considerées, qui voulons de nosire povoir secourir ausdits supplians, considérans la grant loyaulté et entière affeccion qu'ilz ont tousjours eue et encores ont à nous et la couronne de France, aians regard et consideracion aux grans pertes et dommaices qu’ilz ont eu à souffrir à l'occasion de ce et à ce que de mieulx en mieulx ilz la puissent tenir en nostre obéissaince , à iceulx exposans , tant pour les causes dessus dictes que autres à ce nous mouvans, avons octroyé el octroyons, de grâce especial et auctorité royal, par ces présentes que ilz puissent mectre sus et faire batre, forger et monnoyer monnuye à nostre coing, poys et loy au dit lieu et ville du Mont saint Michiel, jusques au temps et terme de trois ans, à commencer du jour de la date de ces dictes présentes. Et avec ce leur avons octroyé et octroyons que le droit du seigneuriage, qui à cause de ce nous doit et devroit appartenir, ilz aient et prennent par moictié, c'est assavoir , le capitaine et autres nobles estans et résidens en la dicte ville, la moictié pour partie de leurs gaiges, peines et

salaires de garder la dicte ville; et les diz vicaire et religieux d'icelle abbaye, l’autre moictié pour leur vivre et autres nécessitéz avoir et soustenir. Et lequel droit de scigneuriage nous leur avons donné et donnons par ces présentes à le prendre et avoir par la main des gardes et maistre particulier, qui par nos diz généraulx-maistres des dictes monnoyes seront ordonnéz et mis à la dicte monnoye, sans ce que iceulx nobles et religieux soient tenuz ne contrains de aucune chose en rendre ne restituer orcs ne pour le temps à venir. Si donnons en mandement par ces présentes aus diz généraulx-maistres de nos dictes monnoyes, et à touz les autres justiciers et officiers de nostre royaume, et et à leurs lieuxtenans présens et à venir, et à chascun d'eulx, si comme à lui appartendra, que de nostre présente grâce, don et octroy ilz facent, seuffrent et laissent les diz exposans joir et user paisiblement et à plain, en faisant par iceulx généraulxmaistres la dicte Monnoye mectre sus et avoir son cours durant le dit temps dessus déclairé, ainsi quil est accoustumé de faire en nos autres Monnoyes, et le dit droit de seigneuriage bailler et délivrer ausdiz nobles et religieux par la manière dessus dicte. Et par rapportant ces présentes ou vidimus d'icelles, fait soubz seel royal ou autentique, avec quictance d'iceulx nobles et religieux, nous voulons et ordonnons les diz gardes et maistre particulier en estre et demourer quictes et deschargiéz, et que tout ce que payé et baillé leur aura esté dudit seigneuriage soit alloé es comptes, et rabatu du fait et estat dudit maistre particulier par nos améz et féeaulx gens de nos comptes et lesdiz généraulxmaistres de nos uicles monnoyes, ausquels nous mandons et commandons que ainsi le facent sans contredit ou difficulté aucune, pourveu toutes voyes que touz les fraiz se facent ‘ux despens de Ja chose à nostre descharge, car ainsi nous plaist-il et voulons "estre fait de grâce especial et auctorité royal, par ces présentes, nonobstans quelxconques constitucions, statuz, éditz , ordonnances , restrinccions , mandemens ou défenses et lettres subreptices à ce contraires. En tesmoing de ce nous avons fait mectre nostre seel à ces présentes lettres. Donné à Mehun sur Evre, le XXTITTe jour d'avril, l'an de grace mil CCCC vingt et six et de nostre règne le quatriesme.

Par le roy, vous l’arcevesque de Tholouse , le mareschal de la Fayete et autres présens.

(Signé ; FRESNOY.

D'après l'original appartenant à M. de (rerville.

Exécutoire de la donation précedente, rendu par les généraux-mattres des monnaies , et mandement pour faire frapper au Mont- Saint-Michel des écus d'or, des grands blancs et des petits blancs.

Les généraulx-maistres des monnoies du roy nostre sire, à tous ceulx qui ces présentes lettres verront, salut. Veues par nous les lettres du roy nostre sire , ausquelles ces présentes sont attachées soubz l'un de nos signéz, par lesquelles le dit sire a ottroyé aux capitaine , gens nobles et les vicaire et autres religieux du couvent de l’église et abbaye du Mont-saint-Michel, que ilz puissent mectre sus et faire batre, forger et monnoier monnoie au coing, pois et loy du dit sire, au dit lieu et ville du Mont-saint-Michel, jusques au temps et terme de trois ans, à commancer du jour de la date des dictes lettres ; et avec ce leur a octroyé que le droit du seigneuriage, qui, à cause de ce, lui doit et devra appartenir, ilz aient et prennent par moictié, c’est assavoir : le dit capitaine et autres nobles estans et résidans en la dicte ville, la moitié pour partie de leurs gaïiges, peines et salaires de garder la dicte ville, et les diz vicaire et religieux d'icelle abbaye, l’autre moitié pour leur vivre et autres nécessitéz, ainsi que plus à plain est contenu es dictes lettres : Nous, en tant que à nous est, consentons l'entérinement et accomplisseméent des dictes lettres, et mandons aux gardes de la monnoye du dit lieu du Mont-saint- Michel que ils accomplissent et facent le contenu es dictes lettres pour les causes tout ainsi par la forme et manière que le roy nostre dit sire le veult et mande par icelles, et, en oultre, leur mandons que ilz facent faire, ouvrer et

monnoier en la dicte Monnoye deniers d'or, appelléz escus à la couronne , à vint trois caratz, ung quart de carat de remède, de soixante dix deniers de pois au marc de Paris, qui auront cours pour vint cinq sols tournois la pièce, en faisant donner aux changeurs et marchans fréquentans la dicte monnoie, pour chascun marc d’or fin, soixante dix escus des escus dessus diz, qui font quatre-vint sept livres dix sols tornois ; deniers grans blans, de dix deniers tornois la pièce, à cinq deniers de loy , argent-leroy , de six sols huit deniers de poys au diz marc, à deux grains de remède (1), en faisant donner ausdiz changeurs et marchans, pour chascun marc d'argent alayé à la dicte loy, sept livres cinq sols tornois (2), et deniers petiz-blans , de cinq deniers tornois la pièce, à quatre deniers de loy, argent-le-roy, de dix sols huit deniers de pois au dit marc, au remède dessus diz, en faisant donner à iceulx changeurs et marchans, pour chascun marc d'argent alayé à la dicte loy, sept livres tournois. Donné à Bourges, le vint sixiesme jour du mois d'avril, l'an mil CCCC vint et six.

(Signé) nE LA Foie.

D'aprés l'original appartenant a M. de Gerville.

(1) En donnant, page 74, la valeur intrinsèque actuelle des monnaies qui durent être frappées au Mont-Saint-Michel , en vertu de l'exécutoire du 96 avril 1426, j'ai tenu compte du quart de karat de remède qui était permis sur les écus, tandis que j'ai négligé les deux grains de tolérance sur les grands-blancs et les petits-blancs. Le prix de la forte quantité d'alliage, qui est entrée dans ces pièces de billon, compense la différence que le remède apporte à leur valeur réelle. Il n’en est pas de même pour la monnaie d'or, qui ne contient qu'une très faible partie d’alliage.

2 Voir la note, de la page 120.