XIII. — Comment hom est vertuous

Or porroit aucuns demander comment hom est justes ^ faisant œvres de justise, et atemprés faisant œvres de atemprance ; et uns autres diroit que tout aussi est comme de gramatique; car ii hom est apelés gramatiques se il parole selonc gramatique. Mais à la vérité dire, il n'est pas des vertus aussi comme des ars^ ainz est tout autrement, car qui veult estre bons en aucune^ art, il ne li convient autre chose que savoir la"^; mais^ en vertu, li savoirs n'est pas soffisanz sans l'uevre, por ce li convient faire et eslire l'uevre^ de vertu, et que sa volenté i soit parraenable. Et cil qui cuide bons estre par seulement savoir, sanz' l'uevre, est semblables au malade qui bien set l'amonestement de son fusicien ^, mais il n'en observe nul ; et tout aussi ^ comme tel malade sont loing de garison, autressi sont^° tel home loing de félicité.