XXIV. — De ' Compaignie de gent

Après ce deviserons des choses qui allèrent à compaignie de gent, et en la conversation^ des homes et en leur parleure, porce que tenir le mi en ces choses fait à loer, et tenir l'estremité fait à blasmer. Et en tenir le mi, doit hom estre plaisanz en parler et en demorer avec les gens, et en converser avec^ les homes, et que il soit de bêle compaignie, et soit communaus* es choses qui conviennent, et en manière et en leu et en tens qui convient, et^ ceste conversation est semblables à amistié; mais tant i a de différence, que en amistié convient avoir compassion et humilité^ de corage, mais en'' conversation nenil; car on puet bien converser avec .i. home que l'on ne conoist^. Et cil qui en ceste chose se desmesure et qui trop s'en entremet, se laisse traitier et mener avec les estranges que il ne conoist, et avec ses veisins et ses non veisins , et se sa nature le trait ^ à ce faire ^", il est apelez bisplaisans; et cil qui le ^' fet por gaaignier, il est apelez losangiers; et qui i converse et use mains que il ne doit, il ^^ est apelez sauvages et hom de maie escole.