XXXIV. — Encore de Compaignie

Il i a une manière de gent cui vivre est molt grevable, porce que il ont nature que l'on ne puet traitier; et îi autre sont losangier, qui semblent estre ami de chascun , et autre sont qui tiennent le mi entre ces .ij. ; car il sevent estre igaus entre la gent selonc ce que il ^ convient, et oii et comment; et ce est bien loable^.

Jugleor^ est cil qui converse entre la gent à ris et à geu, et moque soi et sa feme et ses enfans , et touz autres ; et* ses contraires est cil qui tozjors se monstre cruel et sa face troblée, et ne s'esleesce avec les autres, et ne parole ne ne demoure avec joiouses gens; mais cil qui tient le ^ mi entre eus se contient amesureement ^.