LXXV. — Encore de ' Force

En ceste vertu, ce'^ est force, et en toutes ses^ parties, de cui vos avés oï ce* que li contes en a dit, se doit om amesurer et garder soi dou trop et dou po, selonc ce que dit Seneques : Se magnanimitez ist de sa mesure, ele fait home menaceor, et enfle et troble sanz repos, et corans à dire grans paroles sanz nule honesté, et por^ petite chose lieve et engroisse ses sorcils^, et commuet autrui et chace et fiert; et jà soit il si hardiz et si fiers, certes il aura chaitive fin entor les grans choses, et laissera de soi périlleuse remembrance.

Donques la mesure de magnanimité^ est que l'on ne soit trop hardiz ne trop paourous.

Mais ci ^ se taist li contes à parler de force et de ses manières , et tornera à la quarte vertu, ce est Justise.